Jeremías 47:7 - Bible in Tzeltal de Oxchuc y Tenejapa

⁷ Ja'uc me to, ¿bit'il ya xju' ya alaman aba, teme yaloj mandal ta atojol te Cajwaltique, teme yac'ojbat ta awenta te ya awac'bey guerra Ascalón soc ta spisil ti'ti'mar?

Bible in Tzeltal Bachajón

⁷ Pero ¿bin ut'il c'an cuxuc yo'tan, teme pasot ta mandar yu'un Jehová, teme ticombil yu'un ta scontrahinel te Ascalón soc te ti'ti'mar?

Jeremías 47:7 Referans Kwoze

Miqueas 6:9

Te Cajwaltic yac ta yiq'uel te lum, soc ja' me p'ijilil te lamalotic nax ta yaiyel stojole: —Aiya awaiyic ja'ex lum soc te jconsejeroetic awu'une.

Ezequiel 14:17

“Teme ya cac' taluc guerra ta stojol te lumq'uinale, teme ya cal mandal te ya xlajic ants-winiquetic soc te chambalametique,

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Ezequiel 25:16

Ja' yu'un jo'on Ajwalilon te jich ya cale: Ya me jtoy jc'ab ta yaq'uel castigo te filisteoetique. Jc'axel me ya jlajin te cereteoetique, soc ya me jlajinlay ta jc'axel te ay to jilemic ta sti'il mar.

Isaías 37:26

¿Ja'uc me to, ma ba ana'oj stojol te jo'on Ajwalilon la cac' c'otuc ta pasel spisil? C'alal ta namey q'uinal chajbanbil ta nopel cu'un, ta ora yo'tic c'otix ta pasel cu'un. Jich yu'un, ja' la ajin te lumetic te tulanic sts'ajc'ule, la ac'atp'un ta busulbus ts'ajq'uetic.

Isaías 13:3

La quiq'uix te mach'atic cu'un te tulanique, la calbeyix mandal te ch'ul soldadoetic cu'une, ja' te mach'atic te bin nax yo'tanic yu'un te ya caiy tsalawe, swenta yu'un ya jc'otes ta pasel te castigo cu'une”, xi' te Cajwaltique.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Jeremías 48:10

(Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

Ezequiel 21:30

“Puñal, cha'ochan xan ta ana. Jo'on me ya jchajbanat tey ta banti la jpasate, tey ta lumq'uinal banti ayinate.

Ezequiel 21:9

—Ja'at winic, c'opojan ta jwenta, ala te jo'on te Ajwalilon te ya calbat mandal te ya awale: “¡Te puñal, te puñal! La yich'ix juxel ta lec, la yich'ix juxel ye.

Ezequiel 21:14

“Ja'at winic, c'opojan ta jwenta. Tija jajch'el te puñale, ac'a yaq'uix ejch'en ta mero spisil sc'ajc'al yo'tan. Ja' te puñal yu'un milawe, ja' te xiweltic sba jmilawal puñale, te ya yal smilel te yajwal lum ta bayuque.