Jeremías 47:4 - Bible in Tzeltal de Oxchuc y Tenejapa

⁴ Melel c'otix sc'aalelal te ya xtub ta jc'axel te filisteoetique; te ya xpojbot Tiro soc Sidón te scoltayel te ay xan yu'unique —xi'. Te Cajwaltic ya slajin te filisteoetic, te loq'uic tel ta Creta, te q'uinal joytaybil ta mar.

Bible in Tzeltal Bachajón

⁴ Como c'ohtix sc'ahc'alel te ya xlajinot te filisteohetic, te ya xjihnot spisil mach'atic hilemic ta scoltayel te Tiro soc Sidón. Como te Jehová ya me slajinlan te filisteohetic, te mach'atic hilemic ta ti'mar yu'un Caftor.

Jeremías 47:4 Referans Kwoze

Amós 9:7

Tulan ya yal te Cajwaltique: —Israeletic, ma me xacuyic te yanuquex cu'un a te etiopeetique. Jich bit'il la quiq'uex tel ta Egipto, jich nix la quic' tel ta Creta te filisteoetic, soc la quic' tel ta Kir te arameoetique —xi'.

Isaías 20:6

Jich me sc'aalelal te ya yalic te mach'atic nainemic ta ti'mar: “Ilawilic bila tal ta stojol te mach'a smuc'ulinej co'tantique, ja' te la jc'anulabeytic coltayele, swenta yu'un ya scoltayotic ta sc'ab te muc' ajwalil yu'un Asiria. Ja' yu'un ta ora to, ¿bit'il ya xcolotic yo'tic?” xiic me yu'un —xi' te Cajwaltique.

Deuteronomio 2:23

Jich nix pasbotic te heveoetique, tey nainemic ta nanatic ta nopol Gaza, jc'axel la yich'ic lajinel yu'un te filisteoetic, ja' te talic ta Creta, tey jilic ta nainel a.)

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Ezequiel 21:29

Te bila ya yil ta sc'opique, lotil me, soc te bila yac ta yalel sc'oplale, puro lotil stuquel. Te puñal ya me xyal ta snuq'uic te bol j'uts'inwanejetique. Nopolix ya sta yorail te slajibal castigo ta stojolique.

Ezequiel 21:25

Ja'at muc' ajwalil yu'un Israel, c'ax amenat soc ma'yucat ta stojol Dios, nopolix ya sta yorail te ya awich' te castigo swenta slajibale.

Ezequiel 7:12

C'otix yorail, talix te sc'aalelale. Ni ja'uc te jchonbajel ay bi ya smulane, soc ni ja'uc te jmanbajel te ay bi ya smel yo'tan yu'une. Ya me cac'bey castigo ta stojol spisil te israeletique.

Jeremías 46:10

Yo'tic sc'aalelalix te Cajwaltic te Spisil ya xju' yu'une, ja' sc'aalelal yu'un te ya yac'bey spacol te scontrotaque. Te spuñale ya me yejch'entes ja' to c'alal bay ya sc'an, ja' to c'alal ya xyacub c'oem yu'un te ch'ich'e. Melel te Cajwaltic te Spisil ya xju' yu'une, ya me yaiy milaw ta c'axem to xan ta bay norte, ta sts'eel muc'ja' Éufrates.

Salmos 37:13

Pero ya me stse'luyot yu'un Cajwaltic, na'bil yu'un te nopol ya xlajix yoraile.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Ezequiel 30:8

Te c'alal ya cac' tiluc te lumq'uinale, soc te ya xlajic te mach'atic ya scoltayique, tey me ya sna'ic a te jo'on Ajwalilon te jich la jpase.

Ezequiel 25:16

Ja' yu'un jo'on Ajwalilon te jich ya cale: Ya me jtoy jc'ab ta yaq'uel castigo te filisteoetique. Jc'axel me ya jlajin te cereteoetique, soc ya me jlajinlay ta jc'axel te ay to jilemic ta sti'il mar.

Isaías 31:8

te Asiria ya xlaj ta ye puñal, pero ma me ja'uc ta swenta yip sc'ab winic. Ta guerra ya me x'anic loq'uel te swinictac; te querem-soldadoetic yu'unic ya me xjilic ta mosoil.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Job 9:13

Teme ya x'ilin te Diose, wocol me ya xlamaj te yilimbae; ya yich' pejc'anel ta ye'tal yacan te mach'atic jun ay soc te muc'ul chambalam ta mar, te Rahab sbiile.

1 Crónicas 1:12

te patruseoetic, te casluhítaetic soc te caftoritaetic. Ja'ic tel sts'umbalic te filisteoetique.

Josué 22:30

Te sacerdote Finees soc te jwolwanejetic yu'un stsojbol te israeletic, soc te jwolwanejetic yu'un ta juju-jchajp te baemic soc te sacerdote, la yaiyic stojol te bi la yalic te sts'umbal Rubén, Gad soc te olil sts'umbal Manasés, lec a c'ot ta yo'tanic.

Génesis 10:15

Ja' sba snich'an Canaán te Sidón sbiil, soc Het te yane.

Isaías 14:31

Mela awo'tanic, lumetic yu'un filisteoetic, awunanic yu'un xc'uxul, nijc'anic me yu'un te xiwele. Melel ta norte ya me xtal bayal soldadoetic jichuc xch'ailel c'ajc', ma me ayuc jtuluc ya xloc' tey a te bay xcholoj sbaique.