Jeremías 47:3 - Bible in Tzeltal de Oxchuc y Tenejapa

³ Ya yaiybeyic sc'op yacan te caballoetic yu'un te ya x'animajique, te stulanil sc'op te carretaetique, te sc'op sruedaile. Ma'yuc yip yo'tanic ya xbajt'ic yu'un te me'il-tatiletique; jich ya spijt'esic jilel te yal-snich'nabique.

Bible in Tzeltal Bachajón

³ yu'un te xnilet yoc te cawuhetic yu'un te stulanil sc'op te carretahetic, te xju'et te yoque. Te tatiletic ma ba ya scoltayic te yal-snich'nabic ta scaj te laj yip sc'abic.

Jeremías 47:3 Referans Kwoze

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jueces 5:22

“Ya xc'opoj yacanic te caballoetique. Tulan ya x'animajic ta beel.

Nahúm 2:4

Te carretaetic ya x'animajic ta calleetic, ay sc'ajc'al yo'tanic yilel, bayuc nax ya xbajt'ic ta yolil lum. Jichic yilel te bit'il tsumbil c'ajc' te yac ta tilele; jich xlemlajan nax ya xc'ax te bit'il tsantsewal.

Jeremías 46:9

“¡Ac'a ju'uc yu'un te caballoetique! ¡Ac'a ju'uc yu'un te carretaetique! ¡Ac'a me beenuquic te soldadoetique: ja' te soldadoetic yu'un Etiopía soc yu'un Libia te xchajbanej sbaic soc smajq'uilic; soc nix te soldadoetic yu'un Lidia, te ya sna'ic lec yaq'uel t'im!

Apocalipsis 9:9

Ay smajq'uil yo'tanic te pasbil ta taq'uin yilel. Xpumumet nax ya xc'opoj te xiq'uique, jich te bit'il xpumumet nax sc'op ya caiytic bayal carretaetic nitbilic ta caballoetic te animal ya x'ochic ta guerrae.

Jeremías 50:42

Chapal yat'ejibic, ja' te st'imic soc slanzaique; amen yo'tanic, ma'yuc xc'uxul yo'tanic. Te yawique, jich bit'il sc'op yip mar, soc cajajtic me ta caballo ya xtalic. Chapalic yu'un guerra ta stojol Babilonia.

Ezequiel 23:24

Ya me xtal yac'bat guerra ta atojol. Ya me yich'ic tel bayal scarretaic, soc ya xtal bayal soldadoetic yu'unic. Ya me xtal sjoyintayat ta bayuc. Yich'oj me yat'ejibic yu'un guerra, cascoetic, majq'uilaletic. Jo'on ya cac'bey ta swentaic te ya yac'bat castigo yu'un te amule. Ja'ic me ya yac'bat castigo, chican bit'il ay te mandaliletic yu'un stuquelique.

Nahúm 2:8

Jich bit'il ja' ya xmal loq'uel ta bay lomen ts'ajc'ul, jich ya x'anic loq'uel te yajwal lum Nínive. “Coma abaic. Sujt'anic tel”, xi' ta yawtaybelic; ja'uc me to, ma'yuc mach'a ya sujt' tel.

Isaías 5:28

Te yat'ejibal st'imique, jayic nax ta lec, soc buen nitil ta lec te st'imique. Te yejq'uechul yacan scaballoique, jich bit'il tulanil tonetic, soc jich bit'il sutu-ic' yilel te yacan te carretaetique.