Jeremías 47:2 - Bible in Tzeltal de Oxchuc y Tenejapa

² —Jo'on Ajwalilon ya cal: C'alal ta norte ya xmajc' tel q'uinal, jich bit'il ya xmal tel snojel ja'; te ya smuc te lum soc spisil bila ay tey a, te lumetic soc te mach'atic tey ae. Spisil te mach'atic yajwal te q'uinal, ya x'awunic; te ants-winiquetic tulan ya x'awunic yu'un xc'uxul.

Bible in Tzeltal Bachajón

² Hich yaloj te Jehová: Ilawil, yac ta nojel ha' ta stojol norte, ya sutp'ij ta tulan snojel ha'; ya me smuc te q'uinal soc spisil bintic ay tey a, te pueblohetic soc te mach'atic nahinemic tey a. Ya x'awonic te ants-winiquetic, spisil te mach'atic nahinemic ta q'uinal ya me x'oq'uic,

Jeremías 47:2 Referans Kwoze

Jeremías 46:20

Te Egipto jich yutsil yilel te bit'il yantsilel wacax; ja'uc me to, ya xtal xcach ta norte ta ti'el yu'un.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 1:14

Jich yu'un te Cajwaltic la yalbon: —C'alal ta stojol norte ya xmal tel te uts'inele, ya xmal tel ta stojol spisil yajwal te lume.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

1 Corintios 10:28

Yan teme ay mach'a la yalbeyexe: “Ja' in ti'bal to, ja' milbil smajt'an te loc'ombaetic”, teme xie, ta scaj te la yalbat ta jamal, ma me xati', swenta yu'un ma me xjin yo'tan yu'un. [Melel spisil te bitic ay ta balumilale, ja' yu'un te Cajwaltique.]

1 Corintios 10:26

Melel spisil te bitic ay ta balumilale, ja' yu'un stuquel te Cajwaltique.

Nahúm 1:8

Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Daniel 11:22

Jc'axel me ya slajin te mach'a ay yip ya xtal ta stojole, soc ya me smil te mach'a swentainej te trato.

Jeremías 48:39

Mela awo'tanic yu'un te Moab; nojel me ta xiwel. La sujt'es tel spat yu'un q'uexlal. C'atp'uj ta xiwtesjibal soc bila ya x'ilayot yu'un spisil te spat-xujq'ue.

Jeremías 46:13

Te Cajwaltic la sc'opon te j'alwanej Jeremías, c'alal ya xba yac'beyix guerra Egipto te Nabucodonosor, te muc' ajwalil yu'un Babilonia. Jich la yal:

Isaías 59:19

Te mach'atic ayic ta spamal balumilal, c'alal ta sloq'uib c'aal ja' to ta smalib c'aal, ya me yich'ic ta muc' te Cajwaltic te c'alal ya yilbeyic yutsilal xojobil te yat'ele. Melel jich me ya xtal te bit'il snojel ja' te ya xtijot tel yu'un tulan iq'ue.

Isaías 28:17

Te bi ya yich' ts'ajc'uyel a, ya jtuuntes ta plomo te toj-o'tanile; soc te bitic toj ta pasel, jich ya xc'ot cu'un te bit'il nivel —xi'. Te anjibal, ja' te lotetic aleojique, ya sjinbeyex te bat ya xyal tele; ya smesbeyex bael snojel ja' ta yawil te ya smaquexe.

Isaías 22:1

J'alwanej c'op ta swenta stenlej xatal q'uinal te banti ay bila ay ta ilele: ¿Bi ya apas te apisilic ya xmoex ta yamac'ul ta sba naetique?

Isaías 15:8

Te aw yu'un sc'anel coltayel ya spas buelta ta smojón Moab; te mel-o'tan soc oq'uel ya xc'ot c'alal ta lum Eglaim soc ja' to ta lum Beer-elim.

Isaías 14:31

Mela awo'tanic, lumetic yu'un filisteoetic, awunanic yu'un xc'uxul, nijc'anic me yu'un te xiwele. Melel ta norte ya me xtal bayal soldadoetic jichuc xch'ailel c'ajc', ma me ayuc jtuluc ya xloc' tey a te bay xcholoj sbaique.

Salmos 98:7

Ac'a me awunuc te mar soc spisil bitic ay yu'un, te balumilal soc te mach'atic tey nainemic a.

Salmos 96:11

Binuc nax me yo'tanic te ch'ulchan soc balumilal; ac'a awunuc soc yip te mar soc spisil te bitic ay yu'une.

Salmos 50:12

Te ayuc jwi'nale, ma ja'ucat ya calbat te jichuque, melel te balumilale jo'on cu'un, soc cu'un te bitic ay tey ae.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 46:12

Te nacionetic, sna'ojiquix te la awich'ix pejc'anele, ta spamal q'uinal chican awawic; ja' nix ya sten sbaic te soldadoetique, soc pajal ya sbalan sbaic ta lum —xi' te Cajwaltique.

Jeremías 46:24

Te Egipto ya me yich' pejc'anel, ya me x'och ta sc'ab te lum ta norte —xi' te Cajwaltique.