Jeremías 45:5 - Bible in Tzeltal de Oxchuc y Tenejapa

⁵ Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.

Bible in Tzeltal Bachajón

⁵ ¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.

Jeremías 45:5 Referans Kwoze

Jeremías 39:18

Jo'on ya jcoltayat, te ma smilate. Ya me xcolat soc acuxlejal, melel la smuc'ulinon awo'tan. Jo'on, Ajwalilon, jich ya cal’, xi' me sc'op,” uta me —xi' te Cajwaltique.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Jeremías 21:9

Te mach'a ya xjil li' ta lum to ya me xlaj ta guerra, wi'nal, o chamel te ya xmilawan. Yan te mach'a ya xloc' bael soc te ya yac' sba ta c'abal yu'un te caldeoetic te yac ta yaq'uel guerra yo'tic te lume, ma ba ya xlajic; ya to me xcol soc xcuxlejal stuquel.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

Jeremías 25:26

soc ta spisil te muc' ajwaliletic ta norte, nopolic o c'ubul ayic juju-jchajp, ja' bi spisil mach'atic ya xmandalajic ta balumilal. Ta slajibal ya yuch' te muc' ajwalil yu'un Babilonia.

Sofonías 3:8

Jich yu'un, maliyawonic te bi c'aalil ya xtejc'ajon ta c'op ta controinbelat. Jo'on Ajwalilon tulan ya cal: Jnopoj ta co'tan ya jtsob te nacionetic soc te muc' ajwaliletique swenta yu'un ya cac'bey ta stojolic te quilimba, ja' te quilimba te yac ta tilele. Spisil lumq'uinal ya me yich' jinel ta scaj te sc'ajc'al co'tane.

Jeremías 38:2

—Te Cajwaltic la yal: “Te mach'a ya xjil ta lum, ya me xlaj ta guerra, ta wi'nal o ta chamel. Yan te mach'a ya xloc' bael, soc te ya yac' sba ta c'abal yu'un te caldeoetique, ma x'uts'inbot xcuxlejal stuquel”, xi' te Cajwaltique.

2 Reyes 5:26

Pero te Eliseo puersa jich la yal: —Te c'alal te jtul winic co ta scarreta yu'un stabelate, tey joinejat la caiy ta co'tan a. Pero ma yorailuc ta ich'el taq'uin soc c'u'iletic, ni ja'uc ya xju' ta manel awalts'unubil, chijetic, wacaxetic, abatetic soc criadaetic.

Génesis 6:12

melel bolobenix spisil te ants-winiquetique. Te bit'il la yil te Diose,

Isaías 66:16

Ta melel, te Cajwaltic ya me spas chajbanwanej ta c'ajc'; ya me xchajban spamal balumilal soc spuñal soc ya me yac' ta lajel tsobol ta jtul.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

1 Reyes 3:11

jich la yalbey: —Ma ja'uc la ac'anbon najt' acuxlejal, ni ja'uc la ac'anbon ac'ulejal, soc ni ja'uc la ac'anbon slajel te acontrotaque; ja' la ac'anbon sp'ijil awo'tan ta yaiyel sc'opic soc ta mandalteswanej.

Salmos 131:1

Cajwal, ma ba ya stoy sba co'tan; soc ma ba toyol ya yac' sba te jsite. Ma ja'uc ay co'tan a te bila muq'uic; soc ma ja'uc ya jc'an te bitic toyol sc'oplal te ma jnujp'in yu'un te smuc'ule.

Jeremías 25:31

Te yip sc'ope ya xc'ot c'alal to ta sti'il te balumilale, melel te Cajwaltic ya yilbey yat'elic te nacionetique; ya yic' tel ta chajbanel spisil te ch'ich'-baq'uetetique, ya yac'bey yil swocolic ta lajel te mach'atic amenique. Te Cajwaltic jich ya yal”, uta me —xi' te Cajwaltique.

Jeremías 25:15

Te Cajwaltic te Dios yu'un Israel, la yalbon: —Ilawil te copa te nojel yu'un vino, ja' te quilimbae. Tsaca soc ac'beya yuch' spisil te nacionetic ta bay ya jticunat baele.

Jeremías 25:16

C'alal ya yuch'ic c'oem te copa, ya me xjajch'ic ta xenel. Jich me ya xc'otic te bit'il jowil joletic ta scaj te guerra ya jticun tele —xi' te Cajwaltique.