Jeremías 44:8 - Bible in Tzeltal de Oxchuc y Tenejapa

⁸ ¿Bistuc ya awac' ilinuc co'tan yu'un te awat'elique, soc te ya awac'beyic pom te lotil diosetic tey ta Egipto ta bay talemex ta nainele? Ja'ex te ya ajajch'esic te ajinelique; soc ja' ejemploex yu'un te castigo te ya awich'ique, soc pejc'anel ta yolil ta spisil te nacionetic ta balumilale.

Bible in Tzeltal Bachajón

⁸ ¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 44:8 Referans Kwoze

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 44:3

ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Jeremías 18:16

Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.

2 Crónicas 7:20

ya me jloq'uesex bael ta lumq'uinal te cac'ojbeyexe. Ya me jch'oj loq'uel ta jtojol te templo te ch'ultesbilix cu'une. Ya me cac' slabanex spisil te yantic nacionetique.

Hebreos 3:16

¿Mach'atic a te la yaiybeyic stojol sc'op te Diose soc te la scontroinique? ¿Ma bal ja'uc spisilic te mach'atic ic'ot loq'uel tel ta sq'uinal Egipto yu'un te Moisese?

Jeremías 44:12

Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Jeremías 44:7

“Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

Isaías 3:8

Ta smelelil ya xjin te Jerusalén, soc te Judá ya xjin jilel. Melel tey yaquic ta yalel soc ta spasel te bitic ya scontroinic a te Cajwaltique, ja' te bitic ya sbolc'optayic a te smuc'ul yat'ele.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Jeremías 7:9

Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Jeremías 11:12

Jich yu'un te ants-winiquetic ta Judá soc te mach'atic nainemic ta Jerusalén, ya me xba sc'anbeyic coltayel te lotil diosetic, ja' te ya yac'beyic pom; ja'uc me to, ma xju' ya xcoltayotic yu'un te c'alal ya xjul tel te bila amene.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Oseas 4:13

Ta bay sba toyol witsetic soc ta ch'in witsetic ya xchiq'uic pom tey a soc ya yac'beyic milbil majt'anil. Soc ja' nix ya spasic ta bay buen axinal yu'un te c'antulanetic, álamoetic soc te jijte'etique. Jich yu'un la spasiquix mulwej te awantsil-nich'anique, soc nix te awalibique.

Habacuc 1:16

Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Deuteronomio 32:25

Te yal-snich'nab ya me xlajic tamilel ta puñalta calleetic; ya me x'u'uninotic yu'un xiwel te nanatique. Ya me xlajic queremetic, ya me xlajic ach'ixetic, ya me xlajic me'el-mamaletic, soc ya me xlajic chu'ul alaletic.

Jeremías 32:30

Xjajch'ibal nix tel a, te lum Israel soc te lum Judá spasojic nix tel a te bila ma smulan co'tane; te israeletic ma ba yijq'uitayej ta sbolc'optaybelonic ta swenta te yajcananic te ja'ic nix spasoj stuquelique. Jo'on Ajwalilon, jich ya cal.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.