Jeremías 44:7 - Bible in Tzeltal de Oxchuc y Tenejapa

⁷ “Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?

Bible in Tzeltal Bachajón

⁷ Ha yu'un, hich yaloj te Jehová te scuentahinej spisil, te Dios yu'un Israel: ¿Bin yu'un te ha'ex nix yac awac' taluc ta atojolic te bin chopol te c'ax muc', ha te ya xlajic winiquetic, antsetic, ach'ix-queremetic soc tut alaletic ta Judá, te mayuc mach'a ya xhil awu'unique?

Jeremías 44:7 Referans Kwoze

Habacuc 2:10

Jich la amuquix ta q'uexlal te anae. Ja'at nix la ajajch'es te ajinjibal atuquel te la ajin bayal ta jchajp nacionetique.

Jeremías 51:22

Ta awenta ya jmil winiquetic soc antsetic, mamaletic soc alaletic, queremetic soc ach'ixetic.

Números 16:38

Te xchic'jibal pometic yu'un te winiquetic lajemiquix te la sta smulique, ch'ultesbilic me cu'un, melel la yich'ic tuuntesel ta yaq'uel pom ta jtojol. Ja' yu'un c'atp'unaic ta pasel ta lejch'el taq'uin, swenta yu'un ya yich' paq'uel a te scajtijib ta chiq'uel jmajt'ane, soc swenta yu'un ya me xtuun ta sjultesibal stsa te israeletic —xi' te Cajwaltique.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Lamentaciones 2:11

Ya xtup'ix jsit yu'un te oq'uele; soc ya slajinbon ya caiy te co'tane. C'alal ta lum bajt' sbujts' te q'uinale, yu'un te la yich'ix jinel ya quil te lum cu'une, yu'un te la quil te muc'-biq'uit yacalic ta lajel ta calleetic yu'un te wi'nale.

Jeremías 44:14

Ma me xcol te mach'atic cha'oxtul xanix te cuxulic xan te yajwal Judá te ainemiquix ta Egipto; ma'yuc mach'a ya scoltay sba te cuxul ya xjilique. Manchuc me ya sc'anic te ya sujt'ic bael ta nainel ta Judá, ma sujt'iquix bael, ja' xanix teme ay cha'oxtul ya x'anic loq'uele”, xi' me te Cajwaltique —xi' te Jeremiase.

Jeremías 9:21

“Te lajele och tel ta yutil jnatic, jul ta palacioetic cu'untic; ya smil alaletic ta calleetic soc te queremetic ach'ixetic ta parqueetic.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Proverbios 15:32

Te mach'a ya yilay te tojtesele, ma c'uxuc ya yaiy sba; yan te mach'a ya xch'uun comele, ya sta sp'ijil stuquel.

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Josué 6:21

Jajch' smilic ta puñal te winiquetic, antsetic, muc'-biq'uitetic, soc te me'el-mamaletique. La smilic te wacaxetic, te chijetic soc te burroetique. Spisil la slajinic ta milel ta jc'axel.

Deuteronomio 32:25

Te yal-snich'nab ya me xlajic tamilel ta puñalta calleetic; ya me x'u'uninotic yu'un xiwel te nanatique. Ya me xlajic queremetic, ya me xlajic ach'ixetic, ya me xlajic me'el-mamaletic, soc ya me xlajic chu'ul alaletic.

Jeremías 44:8

¿Bistuc ya awac' ilinuc co'tan yu'un te awat'elique, soc te ya awac'beyic pom te lotil diosetic tey ta Egipto ta bay talemex ta nainele? Ja'ex te ya ajajch'esic te ajinelique; soc ja' ejemploex yu'un te castigo te ya awich'ique, soc pejc'anel ta yolil ta spisil te nacionetic ta balumilale.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.

Jeremías 26:19

“¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Jeremías 25:7

Ta ora yo'tic te Cajwaltic ya yal: “Te ja'exe ma x'ac'an awich'bonic ta muc' te jc'ope; ya awac' ilinuc co'tan yu'un te ach'uunejic lotil diosetic te ja'ex nix la apasique. Jich me ya xtal te bila amen ta atojolique”, xi'.

Proverbios 8:36

Pero te mach'a ya sloq'ues sba ta jtojole, ya me x'och ta swenta lajel stuquel; te mach'a ya yilayon, ja' me c'ux ta yo'tan a te lajele”, xi' te p'ijil-o'tanile.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

1 Samuel 22:19

Patil och bael ta Nob, te ja' lum yu'un te sacerdoteetique. C'o smil ta puñal spisil winiquetic, antsetic, alaletic soc mero ayinel to alaletic; soc la smil wacaxetic, burroetic soc chijetic.

Jeremías 3:24

Te loc'ombaetic te q'uexlaltic sbae, ja' la xch'aybotic te bi la staic te jme'-jtatic, ja' to c'alal alalotic to ae: ja' te chijetic soc wacaxetic, soc te yal-snich'nabique.

Lamentaciones 2:22

La awac' tel bitic chujc'ul ta bayuc, yacalic ta talel ta il-q'uin yilel. Cajwal, ta sc'aalelal awilimba ma'yuc mach'a col jtuluc. Te mach'atic muc'ub cu'un soc te la jp'ijubtese, laj ta milel yu'un jcontro.

Jeremías 25:6

Ma xbaex ta stojol lotil diosetic; ma xach'uunic, soc ma xaquejan abaic ta stojol. Ma xawac' x'ilin yo'tan Cajwaltic ta scaj xch'uunel awu'unic te diosetic te apasojic ta ac'abic te ja'exe, jich ma'yuc bila amen ya xtal ta atojolic yu'un”, xiic ta yalel.

Jeremías 38:17

Ja' yu'un te Jeremías la yalbey Sedequías: —Te Cajwaltic te Spisil ya xju' yu'une, te Dios yu'un Israel, jich ya yalbat: “Teme ya awac' aba ta sc'ab ta jc'axel te generaletic yu'un te muc' ajwalil ta Babilonia, te ja'at soc te mach'atic ay awu'un ya me xcuxinex, soc te lume ma ba ya yich' chiq'uel.