Jeremías 44:4 - Bible in Tzeltal de Oxchuc y Tenejapa

⁴ La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Bible in Tzeltal Bachajón

⁴ Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Jeremías 44:4 Referans Kwoze

Jeremías 26:5

teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,

Jeremías 7:25

Ja' to c'alal loq'uic tel ta Egipto te antiguo ame'-atatique, asta c'alal ora yo'tic, ay la jticunbeyex ta spisil te abatetic cu'une, ja' te j'alwanejetique.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Zacarías 7:7

¿Ma bal ja'uc nix jiche te c'opetic te la yal te Cajwaltic ta swenta te antiguo j'alwanejetic, te c'alal lamal q'uinal ta Jerusalén a, soc te nojel ta ants-winiquetic, soc ja' nix nojel a te yantic lumetic te ayic ta sjoyobal, soc jich nix te sq'uinal Néguev soc te peq'uel witstiquile?

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Ezequiel 8:10

Ochon bael, ta spisil snajt'il bael te ts'ajq'ue, la quil tey loc'taybilic ta c'abal spisil ta jchajp a te chambalametic staslajan ya xbeenic ta lume, soc nix yantic chambalametic te amen sc'oplalic, soc spisil ta jchajp te bitic cuybil ta Dios yu'un Israel.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

2 Crónicas 36:15

Te Cajwaltic Dios yu'un te antiguo sme'-stat, la sticunbey sjultesibal yo'tanic ta swenta te j'alwanejetic yu'une, melel la sna'bey yo'bolil sba te lum yu'un soc te awilal ta bay naineme.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

Ezequiel 16:36

jo'on Ajwalilon, ya calbat awaiy: Te ja'ate ma ba q'uexawat ta yaq'uel ta ilel te abaq'uetale; la awac' aba ta antsinel yu'un te mach'atic la smulanate. Te loc'ombaetic awu'un, mero ilaybil sbaique; soc la amalbey xch'ich'elic te awalatac te la awac'bey ta milbil smajt'an te loc'ombaetique.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Jeremías 32:34

La sboltesbonic sc'oplal te templo te ch'ultesbil cu'une, la yaq'uic tey a te yajcananic te c'ax amen ta jsite.

Jeremías 32:35

La spasbeyic scajtijib smajt'an lotil dios Baal ta Xatal yu'un Ben-hinom, yu'un tey ya xchiq'uic a te ch'in queremetic soc ach'ixetic yu'unic, ta swenta milbil smajt'an te lotil dios Moloc. Jich la yaq'uic ta mulil te Judá, ja' te c'ax amen ta jyalele, te ma'yuc la calbey mandal, soc ni ayuc ta co'tan.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Daniel 9:6

Ma'yuc ta wenta c'ot cu'untic te abatetic awu'un, ja' te j'alwanejetic awu'une, ja'ic te c'opojic ta awenta ta stojolic te muc' ajwaliletic, te jwentainwanejetic, te antiguo jts'umbaltic, soc ta spisil te lum Israele.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

Nehemías 9:34

Ni ja'uc te muc' ajwaliletic cu'untic, te jwolwanejetic, te sacerdoteetic, ni ja'uquic te antiguo jme'-jtatic c'ot ta pasel yu'unic te mandaliletic awu'une, soc ni ja'uc ay sc'oplal c'ot yu'unic te tojtesel awu'une.

Jeremías 7:17

¿Yu'un bal ma x'awil te bi ya spasic ta lumetic ta Judá soc ta calleetic ta Jerusalén?

Jeremías 7:18

Te nich'aniletic ya stsobic tel si', te tatiletic ya stsumic c'ajc', te antsetic ya yaiyic juch'majel ta swenta spasel waj te ya xba yac'beyic te lotil dios te Antsil Ajwalil yu'un Ch'ulchan te xi' sbiil yu'unique. Ya sbolc'optayonic a te ya yac'beyic vino te lotil diosetique.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?