Jeremías 44:3 - Bible in Tzeltal de Oxchuc y Tenejapa

³ ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Bible in Tzeltal Bachajón

³ ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Jeremías 44:3 Referans Kwoze

Deuteronomio 29:26

Ba yich'ic ta muc' soc ba squejan sbaic ta stojol yantic diosetic te ma sna'beyic sba, soc te ma'yuc bi ora ay bila ac'botic yu'une.

Deuteronomio 32:17

La yac'beyic milbil smajt'an pucujetic, lotil diosetic te ma'yuc bi ora sna'ojbeyic sba, yach'il lotil diosetic, lotil diosetic te c'oelic to, ni la xch'uunic te sme'-statique.

Deuteronomio 13:6

“Manchuc me mero abanquil o awijts'in, aquerem-nich'anuc, awantsil-nich'anuc, o awinam te mero c'ux ta awo'tane, o ja' te mach'a mero jun awo'tan aba soc, teme ya sujat bael ta smuquen-ch'uunel yantic diosetique, te ma x'ana'beyic sba soc te ni ja'uquic te ame'-atatic la sna'beyic sba, ma me ja'uc xapasbeyic te bila ya sc'an yo'tanic stuquelique.

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Jeremías 44:8

¿Bistuc ya awac' ilinuc co'tan yu'un te awat'elique, soc te ya awac'beyic pom te lotil diosetic tey ta Egipto ta bay talemex ta nainele? Ja'ex te ya ajajch'esic te ajinelique; soc ja' ejemploex yu'un te castigo te ya awich'ique, soc pejc'anel ta yolil ta spisil te nacionetic ta balumilale.

Nehemías 9:33

Pero te ja'ate, mero ma'yuc amul ta spisil te bitic la awac' c'otuc ta jtojoltique. Melel te ja'ate, jun awo'tan ta jtojoltic, yan te jo'otique yacalotic ta spasel te bitic amene.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.

Lamentaciones 4:13

Melel ta scaj spisil smul te j'alwanejetic yu'une, soc te bila amen la spasic te sacerdoteetic, te tey nix ta yolilal lum la smalbeyic xch'ich'el te mach'atic ma'yuc smule.

Lamentaciones 1:8

Jerusalén bayal sleoj smul, te ja' ac'otix ta ilayel yu'une. Te mach'atic neel la yich'ic ta muc', ta ora yo'tic ya yilayiquix, melel la yilbeyic te chican sbaq'uetal c'oem. Jich yu'un yac ta oq'uel te Jerusalén, ya xq'uexawix jichuc ants, ya snac' sba yu'un.

Jeremías 22:9

Ya me yalbey sbaic: “Melel la yijq'uitayic te trato ac'bot yu'un te Yajwalic te Dios yu'unique, soc la squejan sbaic ta stojol soc la xch'uunic te lotil diosetique”, xiic me —xi' te Cajwaltique.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 5:19

C'alal jich ya sjojc'obeyex: “¿Bi yu'un te Cajwaltic Dios cu'untic te la spasbotic jiche?” teme xiique. Albeya: “Ja' laj yu'un te la awijq'uitayic ta awo'tanic te Cajwaltique, te ba awac' abaic ta abatinel yu'un lotil diosetic ta sq'uinalic, ja' nix laj me jich ya xba awac' abaic ta abatinel yu'un jyanlum winiquetic ta sq'uinalic”, uta me —xi'.

Hebreos 3:16

¿Mach'atic a te la yaiybeyic stojol sc'op te Diose soc te la scontroinique? ¿Ma bal ja'uc spisilic te mach'atic ic'ot loq'uel tel ta sq'uinal Egipto yu'un te Moisese?

Isaías 3:8

Ta smelelil ya xjin te Jerusalén, soc te Judá ya xjin jilel. Melel tey yaquic ta yalel soc ta spasel te bitic ya scontroinic a te Cajwaltique, ja' te bitic ya sbolc'optayic a te smuc'ul yat'ele.

Jeremías 32:30

Xjajch'ibal nix tel a, te lum Israel soc te lum Judá spasojic nix tel a te bila ma smulan co'tane; te israeletic ma ba yijq'uitayej ta sbolc'optaybelonic ta swenta te yajcananic te ja'ic nix spasoj stuquelique. Jo'on Ajwalilon, jich ya cal.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Deuteronomio 29:25

Te sujt'ib te c'ope ja' me in to: “Yu'un la xch'ay ta yo'tanic te trato la xchap soc Yajwalic, te Dios yu'unic te antiguo sme'-static, te c'alal ic'otic loq'uel tel ta sq'uinal Egipto.

Jeremías 16:10

“C'alal ya awalbey te lume, ya me sjojc'obat: “¿Bi yu'un la yal mandal Cajwaltic te la yac' taluc ta jtojoltic te bila amen te muc' ta jyalele? ¿Bila amen jpasojtic? ¿Bi mulil jpasojtic ta stojol Cajwaltic te Dios cu'untique?” xiic me.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.