Jeremías 44:2 - Bible in Tzeltal de Oxchuc y Tenejapa

² —Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Bible in Tzeltal Bachajón

² Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 44:2 Referans Kwoze

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Lamentaciones 5:18

Te wits Sión ja' jinem ts'ajq'uetic c'oem; xtal xbajt'ic tey a te waxetique.

Lamentaciones 1:16

Ja' ya yac'on ta oq'uel, nojelic ya'lel jsit yu'un. Melel ma'yuc mach'a ya smuc'tesbon co'tan; ma'yuc mach'a ya yac'bon xan yach'il yip te co'tane. Te jnich'nabe la yich'ic jinel; melel te jcontro, c'ax to xan ju' yu'unic a te bit'ilotique.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 25:11

Spisil te lum ya xjin jilel, ya xc'atp'uj ta jinem ts'ajq'uetic. Lajuneb me xchanwinic (70) ja'wil ja' in nacionetic to ya me yac' sbaic ta xch'uunel smandal te muc' ajwalil yu'un Babilonia.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Isaías 24:12

Te lume la yich'ix jinel, wuyultic c'otix te yochibal te sts'ajc'ule.

2 Reyes 21:13

Ya me jp'is te Jerusalén, ja' nix pajal sp'isol soc te Samaria soc te patil alnich'anetic yu'un Acab. Ya me jsuc' jilel c'oem jich bit'il ya yich' suq'uel plato te ya yich' nujanel teme suc'bilixe.

Josué 23:3

Te ja'ex la awilic spisil te bila la spas te Cajwaltic ta stojol spisil te lumetic te la stoy sbaique. Ja' me stuquel te la yac' guerra ta awentaic te Cajwaltique.

Deuteronomio 29:2

Te Moisés la stsob spisil te israeletic, jich la yalbey: —Ja'ex la awilic spisil te bitic la spasbey Cajwaltic ta Egipto te faraón, soc nix te sjo'tac ta at'el ta ajwalil, soc ta stojol spisil te yajwal te slum-sq'uinale.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Éxodo 19:4

“Ja'ex awilojic te bitic la jpas ta stojol te egipcioetique, soc te bit'il talex cu'un li' c'alal to, melel cajalex tel cu'un ta sba xic' águila c'oem.

Levítico 26:31

Ya me jlajinbeyex te lumetic awu'unique, ya me jlajinbeyex te toyol ch'uunjibaletic awu'unic, soc ma me ba ya jmulanix te sbujts' perfume awu'unique.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Daniel 9:12

Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Jeremías 8:3

Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.