Jeremías 44:16 - Bible in Tzeltal de Oxchuc y Tenejapa16 —Ma xquich'tic ta muc' te c'op la awich'botic tel ta swenta te Cajwaltique. Gade chapit laBible in Tzeltal Bachajón16 Ma ba ya quich'cotic ta cuenta te c'op la awalbotic ta scuenta Jehová. Gade chapit la |
¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.
Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.
Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.
Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.
Jun co'tan yacon ta yaiyel stojol; ja'uc me to, ma'yuc mach'a ya caiybey sc'op jtuluc te ya sujt'es yo'tan yu'un te bila amen soc te jamal nax yo'tan ya yal: ‘¿Bila a te jpasoje?’ te xiuque. Ta spisilic la st'unic bael ta animal te sbeique, jich bit'il caballoetic te tulan ya x'animajic ochel ta guerra.
Te Cajwaltic te Spisil ya xju' yu'une, te Dios yu'un Israel, ya yal: “Te ja'ex antsetic ya awalic loq'uel ta aweic, soc ya ac'otesic ta pasel. Ja'ex awalojic ta jamal te ya awac'beyic pom soc majt'anil vino te Antsil Ajwalil yu'un Ch'ulchan, te ya ac'otesic ta pasel ta jyalel te bila awalojique. Jichuc, c'otesaic ta pasel te ac'opique, soc pasaic te bila awalojique.