Biblia Todo Logo
Bib sou entènèt

- Piblisite -




Jeremías 44:12 - Bible in Tzeltal de Oxchuc y Tenejapa

12 Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Gade chapit la Kopi

Bible in Tzeltal Bachajón

12 Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Gade chapit la Kopi




Jeremías 44:12
18 Referans Kwoze  

Ja' yu'un na'aic me ta lec, ta scaj me te guerra, wi'nal soc chamel tey me ya xlajex a ta bay te q'uinal te banti ya ac'anic ya xbaex ta ainele —xi' te Jeremiase.


Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.


Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.


Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.


Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.


Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.


Ja'uc me to, ya jwuy te jtoyba-mulawiletique; te mach'atic ya yijq'uitayonique, ya me xlajic.


teme ma junuc yo'tan ta stojol smamlal, jich te ja' swenta castigo, ya me xjajch' ac'botuc ch'aubuc q'uinal yaiy yu'un, soc ya me sijt' yet'al xch'ujt' soc ma me lecuc ya x'ayin te yale. Te antse ja' me señail castigo ya x'ac'ot ta ilel yu'un te lume.


Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.


Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.


ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.


Ta spisil capitán yu'un soldadoetic, soc tey ay a te Johanán snich'an Carea, te Azarías snich'an Osaías soc spisil lum, muc'-biq'uit, noptsajic tel


Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.


Jich te ja'ex te yajwalex Judá soc te yajwalex Israel, te boloben ac'oplalic yu'unic te yantic nacionetic, yo'tic ya me jcoltayex; buen lec meix ac'oplalic yu'unic. Ma me xiwex; ac'aic me puersa —xi' te Cajwaltique.


Ya me xtal soc ya me sjin spamal sq'uinal Egipto. Te mach'atic chapal sc'oplal te ya xlaje, jich nix me ya xlaj abi; te mach'atic chapal sc'oplal ya x'ic'ot bael ta mosoil, jich nix me xbajt'ic abi; te mach'atic chapal sc'oplal ya xlaj ta guerra, jich nix me ya xlaj abi.


Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.


Swiv nou:

Piblisite


Piblisite