Jeremías 44:10 - Bible in Tzeltal de Oxchuc y Tenejapa

¹⁰ Asta ora yo'tic ma'yuc bay yanajem te awo'tanique, ni ma'yuc xiwel ya awaiyic, ni ma'yuc bay apasojic te p'ijubtesel soc mandaliletic te la cac'bey te antiguo ame'-atatique.

Bible in Tzeltal Bachajón

¹⁰ C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.

Jeremías 44:10 Referans Kwoze

Proverbios 28:14

Bin nax me yutsil te ants-winic te spisil ora ya yich' ta muc' te Cajwaltique; yan te mach'a tulan yo'tane, ya sta falta stuquel.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

1 Pedro 5:6

Jich yu'un pejc'ana me abaic ta sc'ab Dios te bayal yu'ele. Jich me ya yaq'uex ta ich'el ta muc' teme la sta yorail yu'une.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Romanos 11:20

Melel nix a te la yich'ic loq'uesele, ta scaj te ma la yac' xch'uunjel yo'tanique. Yan te ja'exe, la awich'iquix ts'aquel tey a ta swenta nax xch'uunjel awo'tanic. Ma me xatoy abaic. Xiwanic me yu'un.

San Lucas 23:40

Ja'uc me to, te yane la scom ta c'op, jich la yal: —¿Yu'un bal ma x'axi' te Diose, te bit'il pajal ayotic ta castigo soque?

San Mateo 27:54

Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Jeremías 10:7

¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

Proverbios 14:16

Te mach'a ay sp'ijile, ya xi' te bila ma lecuque, ya sq'uej sba loq'uel ta stojol; yan te mach'a ma sna' q'uinale, ma'yuc bila ay sc'oplal ta yo'tan.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Salmos 51:17

Te majt'aniletic ya sc'an te Diose, ja' te mach'a mero ya smel yo'tan yu'un te smule; Dios cu'un, ma ba ya awilay atuquel te mach'a peq'uel ya yaiy sba soc te ma'yuquix ta q'uinal ya yaiy ta yo'tane.

Salmos 34:18

Te Cajwaltic nopol ay ta scoltayel te mach'atic lajemiquix ya yaiyic, te ma'yuquix bi ya smaliyique.

2 Crónicas 34:27

te la stijbat awo'tan soc te jun awo'tan la awaiy stojol te bila ya sc'an co'tan jpasbey te lume; ja'uc me to, te bit'il la apejc'an aba ta jtojole, te la ach'i' ac'u', soc te oc'at ta jtojole, jo'on la caiybat stojol. Jo'on Awajwalon ya me calbat.

2 Crónicas 33:19

Te la sc'opon Dios soc te bit'il tsacbot sc'op yu'une, soc spisil sc'oplal te smule, te ma tojuc c'ax ta q'uinal, soc te bayuc la spasbey toyol ch'uunjibaletic, soc te bay la yac' sloc'omba Asera, soc te loc'ombaetic te c'alal ma to spejc'anej sba ta stojol a te Diose, ts'ibubil sc'oplal yu'unic ta bay slibroic te j'alwanejetique.

2 Crónicas 33:12

Ja'uc me to, te c'alal la sta woclajel te Manasés, la sc'opon te Cajwaltic Dios yu'une, c'axem to xan la spejc'an sba ta stojol te Dios yu'un antiguo sme'-state.

2 Crónicas 32:26

Ja'uc me to, la spejc'an sba te Ezequías, bic'taj ta stojol te Diose. Jich nix la spas te yajwal Jerusalén. Jich yu'un te Cajwaltic ma la yac' woclajuc yu'un yilimba te jayeb xan c'aal cuxin ta q'uinal te Ezequías.

2 Reyes 22:19

soc te la amel awo'tan yu'une, soc te la apejc'an aba ta jtojol yu'un te c'alal la awaiy te bi la cal ta jamal ta stojol te lume soc te mach'atic nainemic tey ae te ya xtal tulan wocol ta stojolic soc c'ax boloben sc'oplalic ya xc'otic, soc te la ach'i' ac'u'e, soc te oc'at ta jtojole, ja' yu'un te jo'one la caiybat te ac'ope’. Jo'on Ajwalilon te ya calbate.

1 Reyes 21:29

—¿La bal awilix te Acab te la spejc'anix sba ta jtojole? Ta scaj te bit'il bic'tajix ta jtojol, ma ba ya cac' xc'ot te wocol ta stojol te mach'atic ay yu'un te jayeb xan ora cuxule, ja' to me ya xc'ot ta swenta te snich'ane —xi'.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 9:30

Ja'uc me to, ya jna' te ja'at soc te ajo'tac ta ajwalil te ma to ya axi'ic te Diose ja' te Cajwale —xi' te Moisese.

Éxodo 9:17

Ja'uc me to, ya to atoyilay aba ta stojol te lum cu'une te bit'il ma xawac' loq'uele.

Salmos 78:10

Ma ba la yich'ic ta muc' te trato xchapoj Dios ta stojolic, ni lajuc xch'uunbeyic te p'ijubtesel yu'une.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 26:4

Albeya te jo'on Ajwalilon, te jich ya cale: “Teme ma x'awich'onic ta muc' soc teme ma xach'uunic te p'ijubtesel la cac'beyexe,

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Isaías 42:24

¿Mach'a la yac' permiso te ya yich' tsalel te Israel, te lum yu'un Jacob, soc te ya xba yich' pojbeyel te sbiluque? ¿Ma bal ja'uc la yac' permiso ta melel te Cajwaltique? Melel ja'ic la sle smulic ta stojol Dios, ma la sc'an st'unic bael te be te ac'bot yilic yu'une, ma la xch'uunbeyic te p'ijubtesel yu'une.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.