Jeremías 44:1 - Bible in Tzeltal de Oxchuc y Tenejapa

¹ Sc'op Cajwaltic tal ta stojol Jeremías ta swenta te judioetic te nainemic ta lumetic ta sq'uinal Egipto, ta Migdol, ta Tafnes soc Menfis, soc ta stojol sur:

Bible in Tzeltal Bachajón

¹ Ha sc'op Jehová te tal ta stojol Jeremías te la yalbe sc'oblal spisil te judiohetic te nahinemic ta sq'uinal Egipto, ta Migdol, ta Tafnes soc Menfis, soc ta sq'uinal Patros, hich la yal:

Jeremías 44:1 Referans Kwoze

Jeremías 46:14

—Pucaic ta alel ta spamal sq'uinal Egipto, ta Migdol, ta Menfis soc ta Tafnes: “¡P'ijanic me, chapaluquex me! Te puñale ya nix me spas bolteswanej ta ajoyobal a”, utaic me.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.

Éxodo 14:2

—Albeya te israeletic, ac'a spasic buelta, ac'a ba spas scampamentoic ta Pi-hahirot te ay ta olil yu'un te Migdol soc te mar, te yelawix bael te Baal-zefón. Ac'a spas scampamentoic ta nopol sti'il mar.

Isaías 19:13

Te jtsobwanejetic yu'un Zoán, ma sna'ic q'uinal ta jyalel, te jtsobwanejetic yu'un Menfis la yac' sbaic ta lo'layel, te ajwaliletic yu'un sejpelsejp sq'uinal la yiq'uiquix bael ta lotil be te Egipto.

Ezequiel 30:18

Te c'alal ya jlajinbey yip te Egipto, soc ya jlajinbey te yip stoyoj sba yu'une, te c'aal ya x'ijc'ub ta stojol lum Tafnes, soc ya me xmacot yu'un tocal te Egipto, te yajwal te lumetic yu'un ya me x'ic'otic bael ta mosoil.

Ezequiel 30:16

Ya me cac'bey sc'aal te Egipto, te lum Sin ya me smetulay sba yu'un xc'uxul. Ya me yich' jutel te sjoyob ts'ajc'ul te lum Tebas. Te lum Menfis ta mero c'aaleltic me ya yich' aq'uel guerra.

Ezequiel 30:14

Jc'axel ya jin te sur yu'un Egipto, ya me cac'bey sc'aal te lum Zoán, ya me cac' c'otuc castigo ta stojol te lum Tebas.

Ezequiel 29:14

Te egipcioetic bajt'ic ta chuquele, ya me cac' te ya sujt'ic xan tele, soc ya me xnainic ta sur yu'un Egipto, te ja' nix mero yawilic a. Tey me ya xchajban slumalic soc ay me muc' ajwalil yu'unic, pero ma ba ya xmuc'ubix sc'oplal.

Jeremías 46:19

Chajbana abaic yu'un te chuquel baele, yajwalex Egipto, melel te Menfis ya xc'atp'uj ta jochol q'uinal, jinem ts'ajq'uetic te ma'yuc mach'a ya xnainix tey ae.

Jeremías 2:16

Te yajwal Menfis soc Tafnes la swuybat ajol.

Ezequiel 29:10

Ja' yu'un ya me cal ta jamal, te jo'on acontroone, soc te scontroon uuc te muc'ja' awu'une. Ya me jc'atp'unat ta mero xiweltic sba jochol taquin q'uinal te banti ay bayal wocole, ya xjajch' ta lum Migdol c'alal ta lum Asuán, te banti ats'acoj aba soc Etiopía.

Génesis 10:14

te patruseoetic, te casluhítaetic soc te caftoritaetic te tey chicnaj loq'uel a te filisteoetique.

Jeremías 24:8

“Yan te Sedequías, muc' ajwalil yu'un Judá, soc te jtsobwanejetic, soc te yantic yajwal Jerusalén te ya xjilic li' ta bay lum to, o te ya xba snajc'an sbaic ta Egipto, jich me ya xc'ot ta co'tan te bit'il higoetic te amenic ta jc'axel, ma xju'ix ta lo'ele.

Jeremías 43:13

Ya me sjin te najt'il jayal ton te ay ta lum Heliópolis ta Egipto, soc ya me xchic'bey jilel te temploetic yu'un te lotil diosetic ta Egipto’, xi' me te Cajwaltique”, uta me —xi'.

Ezequiel 30:13

“Jo'on Ajwalilon te jich ya cale: Ya me jin te loc'ombaetique, ya me jlajin te lotil diosetic yu'un lum Menfis. Te Egipto ma me ayuquix bi ora ya x'och ajwalil yu'un, ya me jnojes ta buen tulan xiwel te lumq'uinal yu'une.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Jeremías 44:15

Te mach'atic judioetic te sna'ojic te la yac'beyic pom lotil diosetic te yinamique, soc spisil te antsetic te la stsob sbaic tey a te bayalique, soc nix te yantic judioetic te nainemic ta stojol sur ta sq'uinal Egipto, la sujt'esbeyic sc'op te Jeremías: