Jeremías 43:9 - Bible in Tzeltal de Oxchuc y Tenejapa

⁹ —Tsaca cha'oxp'ijuc muc'ul tonetic. Ta sitic te ants-winiquetic yu'un Judá, muca ochel ta bay tulanil lum, pamanbil ta stojol yochibal te spalacio te ajwalil ta lum.

Bible in Tzeltal Bachajón

⁹ Ta sitic te ants-winiquetic yu'un Judá, tsaca cha'oxpis muc'ul tonetic, mucticlana ta ahch'al ta be pasbil ta ladrillo ta yochibal te sna faraón ta Tafnes.

Jeremías 43:9 Referans Kwoze

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.

Nahúm 3:14

Chajbana awa'al, swenta yu'un ya xju' xcuxinat a te bit'il macbilat ta yutil lum, tulantesa xan ta bay ya acoltay aba ta ac'opique. Ochan ta ajch'al, wots'a ta teq'uel te ajch'ale, tsacbeya smoldeil te ladrilloe.

Oseas 12:10

“Jo'on la jc'opon te j'alwanejetique, soc la quesmantesbey yajtalul te bitic la cac'bey yilic, soc ja'ic ta swentaic te c'opojon ta seña-c'opetique.

Ezequiel 4:1

Soc jich la yal xan te Cajwaltique: —Ja'at winic, tsaca jun adobe, ac'a ta atojol, pasbeya sloc'ombail tey a te lum Jerusalén.

2 Samuel 12:31

Te jayeb xan te mach'atic jilemic to, la yich'ic loq'uel. La yac' ta at'el ta sierra, la yac'bey snit at'ejibal yu'un swuyel trigo, la yac' ta at'el ta echej, soc la yac' ta at'el ta hornoetic yu'un ladrillo. Ja' nix jich la spasbey spisil ta jpam lumetic yu'un te amonetique. Patil sujt' xan bael ta Jerusalén soc spisil te soldadoetic yu'une.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Jeremías 43:8

Tey ta Tafnes c'oponot yu'un Cajwaltic te Jeremías, jich albot:

Jeremías 43:10

Albeya: “Te Cajwaltic te Spisil ya xju' yu'une, te Dios yu'un Israel, ya yal: ‘Ya me cac' xtal te cabat Nabucodonosor muc' ajwalil yu'un Babilonia. Jo'on ya cac' li'to te smuc'ul nactijib soc axinal pac' ta swenta ajwalil, ta sba te tonetic la yich'ic muquele.

Jeremías 44:30

Jo'on ya cac' ta c'abal te faraón Hofra, muc' ajwalil yu'un Egipto, ta sc'ab te scontroe, jich bit'il la cac' ta c'abal te Sedequías, muc' ajwalil yu'un Judá, ta sc'ab te Nabucodonosor, muc' ajwalil yu'un Babilonia, te scontroe”, xi' me te Cajwaltic —xi' te Jeremiase.

Jeremías 25:19

Ja' nix jich la cac'bey yuch' faraón muc' ajwalil yu'un Egipto soc te sjo'tac ta ajwalil, te jtsobwanejetic soc spisil te lum yu'une,