Jeremías 43:5 - Bible in Tzeltal de Oxchuc y Tenejapa

⁵ Amen te bila la spas te Johanán soc spisil te jtsobwanejetic yu'un te soldadoetique: La stsobic te ants-winiquetic jilem xan ta Judá, te sujt'emiquix tel tey a te bit'il pujq'uic bael ta bayuc ta lumetique,

Bible in Tzeltal Bachajón

⁵ Te Johanán snich'an Carea soc spisil te capitanetic yu'un te soldadohetic la stsobic spisil te mach'atic hilemic yu'un Judá, te suhtemiquix tal ta spisil te nacionetic te banti puhquemic yu'un ya xnahinic ta sq'uinal Judá,

Jeremías 43:5 Referans Kwoze

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

2 Reyes 25:22

Te Nabucodonosor muc' ajwalil yu'un Babilonia la yac' ochel ta jwentainwanej te Gedalías snich'an Ahicam, smam Safán, swenta yu'un ya swentain te mach'atic la yijq'uitay jilel ta sq'uinal Judá.

Jeremías 40:10

Jo'on me ya xjilon ta Mizpa, swenta yu'un ya xc'opojon awu'unic ja'ex ta stojol te caldeoetic c'alal ya xtalic li'to. Te ja'exe at'elinaic stsobel te vino, sit te'etic soc aceite, soc jich me ya xju' xjilex ta lumetic ta bay ayexixe —xi'.

Jeremías 41:10

Ja' nix jich te Ismael la xchuc bael te yantsil-nich'nab te muc' ajwalile soc te ants-winiquetic te ayic xan ta Mizpa, ja'ic te ac'bot jilel ta swenta Gedalías yu'un te Nabuzaradán te capitán yu'un te jcanantaywanejetique. Te Ismael la xchuc bael, jajch' ta beel yu'un ay ta yo'tan te ya xc'ax ta sq'uinal Amón.

Jeremías 41:17

Jajch'ic bael ta beel ja' to c'alal c'ot ta Gerut-quimam te nopol ay ta Belén, tey la scom sbaic a. Ay ta yo'tanic te ya xbajt'ic c'alal ta Egipto,