Jeremías 43:2 - Bible in Tzeltal de Oxchuc y Tenejapa

² te Azarías snich'an Osaías, te Johanán snich'an Carea, soc yantic toyba winiquetic la yalbeyic te Jeremías: —Te bila ya awale, lotil. Te Cajwaltic te Dios cu'untique ma ba la yac'bat tel ta awenta awalbelotic te ma xbootic ta Egipto.

Bible in Tzeltal Bachajón

² te Azarías snich'an Osaías, te Johanán snich'an Carea, soc spisil te toyba winiquetic hich la yalbeyic te Jeremías: ¡Lotil te bin yac awal! Te Jehová te Dios cu'untic ma ba hich la sticonat ta yalel: Ma me xbahex ta nahinel ta Egipto, ma xchihuc.

Jeremías 43:2 Referans Kwoze

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Santiago 4:6

Bayal yutsil yo'tan cu'untic te Diose. Jich te bit'il ts'ibubil jilel ta Sjun te Diose: “Dios scontroinej te mach'atic stoyoj sbaique, yan te mach'atic peq'uel yac'oj sbaique ya xc'uxtay stuquel”, te xie.

Jeremías 43:1

C'alal laj yo'tan Jeremías ta yalel c'op ta stojol te lume ta spisil te bila ac'bot yal yu'un Cajwaltic te Dios yu'unique,

Jeremías 42:1

Ta spisil capitán yu'un soldadoetic, soc tey ay a te Johanán snich'an Carea, te Azarías snich'an Osaías soc spisil lum, muc'-biq'uit, noptsajic tel

Jeremías 40:8

Bajt'ic soc te soldadoetic yu'unic ta Mizpa, ta yilel te Gedalías. Ja'ic te Ismael snich'an Netanías; Johanán soc Jonatán, snich'nab Carea; Seraías snich'an Tanhumet; te snich'nab Efai te ay ta Netofá; soc Jezanías, snich'an jtul winic ta lum Maacat, soc te winiquetic yu'unique.

Jeremías 13:15

Israeletic, te Cajwaltic c'opojix. Junuc me awo'tanic ya awaiybeyic sc'op, ma xatoy abaic.

Proverbios 16:5

Te Cajwaltic ya yilay te jtoyba-o'tanetique, puersa me ya yich' castigo.

Jeremías 41:16

Te Johanán soc spisil te capitanetic yu'un te soldadoetic te sjoinej sbaic soque, la yic' te jayeb soldadoetic, antsetic, alaletic soc te mach'atic tulan yat'elic te la yic' tel ta chuquel te Ismael, te c'alal loc' tel ta Mizpa te bit'il smilojix jilel a te Gedaliase. Spisilic ic'otic sujt'el tel yu'un Johanán c'alal to ta Gabaón.

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Salmos 123:4

Bayal c'axemix jwocoltic ta labanel yu'un jc'ulejetic, soc ta ilayel yu'un te mach'atic toyba-o'tanetique.

Salmos 119:21

Ja'at ya acom te mach'atic toybaetic soc te amenic, te ya yijq'uitaybat te mandaliletic awu'une.

Salmos 12:3

Cajwal, bula loq'uel soc yisim te mach'atic cheb yo'tanic soc te ya stoy sbaique.

Éxodo 9:17

Ja'uc me to, ya to atoyilay aba ta stojol te lum cu'une te bit'il ma xawac' loq'uele.

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Génesis 19:14

Jich loc' bael te Lot, ba sc'opon te queremetic te chapal ya yic' sbaic soc te yantsil-nich'nabe, jich la yalbey yaiyic: —Jajch'anic, loc'anic tel, yu'un ya yich' lajinel yu'un Cajwaltic te lume —la yut. Ja'uc me to, te queremetic la scuyic te ma meleluc.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 41:18

swenta yu'un ya xcolic ta sc'ab caldeoetic ta sc'opic. Ja' ayic ta xiwel yu'un te la smil Gedalías te Ismael, melel te Gedalías ac'bil jilel yat'el ta ajwalil ta slumal yu'un te muc' ajwalil ta Babilonia.

Jeremías 42:5

Jich la yalbeyic: —Te Cajwaltic Diose ja' lequil testigo, soc melel te bila ya yalbotic stuquele, ac'a me scontroinotic teme ma jpastic spisil te bila ya yalbotic ta awenta te Diose.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Isaías 9:8

Te Cajwaltic ay la sticun bael sc'op ta lum Israel, ja' te lum yu'un Jacob;