Jeremías 43:12 - Bible in Tzeltal de Oxchuc y Tenejapa

¹² Ya me xchic'bey jilel te temploetic yu'un te lotil diosetic ta Egipto, soc ya yich' chiq'uel jilel te lotil diosetique, o ya x'ich'ot bael jichuc jchuqueletic. Ya me sloq'uesbey sbiluc te sq'uinal Egipto, jich bit'il jtul jcanan-chij ya sloq'uesbey sac-uch'il te sc'u'e, soc jich me ya xbajt' ta ora, ma me ayuc mach'a ya xcomot yu'un.

Bible in Tzeltal Bachajón

¹² Ya me ya'be sc'ahc'al te templohetic yu'un te diosetic yu'un Egipto; ya me ya'be sc'ahc'al soc ya me yic'ticlan bahel ta chuquel te diosetic yu'unique. Ya me spoc te sq'uinal Egipto hich te bin ut'il jtuhl jcanan-tuminchij ya sac' te sc'u'e, hich jun yo'tan ya xloc' bahel.

Jeremías 43:12 Referans Kwoze

Ezequiel 30:13

“Jo'on Ajwalilon te jich ya cale: Ya me jin te loc'ombaetique, ya me jlajin te lotil diosetic yu'un lum Menfis. Te Egipto ma me ayuquix bi ora ya x'och ajwalil yu'un, ya me jnojes ta buen tulan xiwel te lumq'uinal yu'une.

Isaías 49:18

Toya moel te asite, ilawil ta sjoyobal, ilawil bit'il ya stsob xan sbaic spisilic soc ya sujt'ic tel ta atojol. “Jo'on Ajwalilon te cuxulone, ya cal ta jamal, ta spisilic jichic bit'il xch'alil ac'u' te ya alape, jich c'oem te bit'il xch'alil jtul ach'ix te ya xnujbinixe.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Jeremías 46:25

Te Cajwaltic te Spisil ya xju' yu'un, te Dios yu'un Israel, ya yal: —Ya cac'bey castigo te Amón, te dios yu'un Tebas ta Egipto, soc te lotil diosetic yu'un, te muc' ajwaliletic yu'un, soc te faraón soc nix te mach'atic smuc'ulinej yo'tane.

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Job 40:10

Ch'ala aba ta smuc'ul awu'el, potsa aba ta yutsil axojobil.

Ester 6:9

Te najt'il c'u'il soc te caballo ya me yich' aq'uel ta sc'ab jtul winic te mero muc' sc'oplal yu'un te ajwalile, swenta yu'un ja' me ya yac'bey slap sc'u' te mach'a ya sc'an te ya awac' ta ich'el ta muc' te ja'at muc' ajwalilate, soc te ya yac' beenuc ta caballo ta plaza yu'un te lume, soc jich ya yal ta aw ta stojol te c'alal snitoj ta beel a te scaballoe: “¡Jich ya sc'an pasel te winic te la yac' ta ich'el ta muc' te muc' ajwalile!”, ac'a xiuc ta aw —xi' te Amán.

2 Samuel 5:21

Te filisteoetic la yijq'uitay jilel te yajcananique. Te David soc te swinictaque la yich'beyic bael.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Colosenses 3:14

Ja' bayal sc'oplal te ya awaq'uic ta ilel te bit'il ac'u'inejic te xc'uxul awo'tanique, yu'un ja' syomoj spisil te bila lec ta pasele.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

Efesios 6:11

C'u'inaic me spisil te amajq'uilic yu'un te Diose, swenta yu'un jich me ma jtebuc ataelic ta lo'layel yu'un sp'ijil te pucuje.

Efesios 4:24

C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Sofonías 2:11

Te Cajwaltic xiweltic nax me sba ta stojolic. Ya me sjin spisil te lotil diosetic ta lumq'uinale; soc ja' me ya yich' ch'uunel yu'un spisil ants-winiquetic ta bayuc, asta te mach'atic ayic ta q'uinal joytaybil ta mar.

Jeremías 51:44

Te Cajwaltic jich ya yal: —Ya me cac'bey castigo te lotil dios Bel ta Babilonia, ya cac'bey xejtay loq'uel te bila sbic'oj c'oeme. Te nacionetic ma xju' ya xbajt'iquix ta stojol; jiniquix ta sjoyobal sts'ajc'ul te Babilonia.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Isaías 61:5

Te jyanlumetic ja' me ya yac' sbaic ta scanantayel te chijetique, te c'alc'altique, soc te ts'usubiltic awu'unic te ja'exe.

Isaías 59:17

La spots sba ta tsalaw, jichuc smajq'uil stan; la yac' ta sjol te colel, jichuc spixol-taq'uin. Bayal la yich'bey spacol, la slap c'oem jichuc najt'il c'u'il; soc la spots sba ta yilimba, jich bit'il te pac' te muc' xchiquine.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Isaías 46:1

Te loc'omba Bel ya spajc'an sba, soc te loc'omba Nebo ya xyal ta lum. Te loc'ombaetic cuchbilic bael ta burroetic soc ta yantic chambalametic; bayal yalal te ijc'atsil ya scuchic bael te chambalametic te lubenique.

Isaías 21:9

Yacon ta yilel te yac ta beel tel jun carreta, nitbil tel ta cha'cojt' caballoetic”, xi'. Ay mach'a jich la yal: “Jinix, lajix te Babilonia. Spisil te loc'ombaetic, ja' te yajcananique, yalic coel ta lum, wuyultic nax c'otic”, xi'.

Salmos 132:18

Te scontrotac ya cac'bey bayal q'uexlal; yan stuquel, ya me cac'bey xojobil”, xi'.

Salmos 132:16

Te sacerdoteetic ya me cac'bey slapic c'oem te colel cu'une; soc ya me cac' ta aw swenta yutsil q'uinal te mach'atic jun yo'tanic ta jtojole.

Isaías 46:2

Te lotil diosetic ya stinan sbaic, ya xyalic ta lum, ma xju' yu'un scoltabel sbaic, ja'ic uuc ya x'ich'otic bael ta yan q'uinal.

Jeremías 43:13

Ya me sjin te najt'il jayal ton te ay ta lum Heliópolis ta Egipto, soc ya me xchic'bey jilel te temploetic yu'un te lotil diosetic ta Egipto’, xi' me te Cajwaltique”, uta me —xi'.

Jeremías 49:27

Ya cac'bey sc'aal te ts'ajq'uetic ta sjoyobal Damasco, te c'ajq'ue ya sjin te palacioetic yu'un Ben-hadad —xi'.

Ezequiel 29:11

Ma ba ya xc'ax ants-winiquetic, ni chambalamuc tey a. Cha'winic (40) ja'wil ma'yuc mach'a ya xju' ya xnain tey a.

Daniel 11:8

Soc ya me yich'ic bael ta Egipto te bitic cuybil ta diosetic yu'unique, ja' te loc'ombaetic yu'unic pasbilic ta ultesbil oro, soc yantic biluquetic pasbil ta oro soc ta plata. Te c'alal c'axix che'oxeb ja'wil a te ma'yuc guerra yu'unic ta xchebalic te nacionetique,

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Jeremías 25:19

Ja' nix jich la cac'bey yuch' faraón muc' ajwalil yu'un Egipto soc te sjo'tac ta ajwalil, te jtsobwanejetic soc spisil te lum yu'une,

Ezequiel 29:19

Ja' yu'un jo'on Ajwalilon te jich ya cale: Ya me cac'bey yu'unin Nabucodonosor te Egipto, soc ya me yich'bey bael te sc'ulejal soc ta spisil te bitic ay yu'une. Spisil te bitic ya yelc'anbeye, ja' me ya stoj a te soldadoetic yu'une.