Jeremías 42:6 - Bible in Tzeltal de Oxchuc y Tenejapa

⁶ Chican teme ya jmulantic, o ma jmulantic, ya me jch'uunbeytic sc'op te Cajwaltic Diose te la jc'antic te ya ac'oponbotique, swenta yu'un jich me lec ya xc'ootic ta loq'uel —xiic ta yalel.

Bible in Tzeltal Bachajón

⁶ Chican teme lec o teme ma lecuc, ya jch'uhumbecotic te Jehová te Dios cu'untic te ya jticonatcotic bahel ta stojole, scuenta yu'un hich lec ya xc'ohotic a, yu'un te ya jch'uhumbecotic sc'op te Jehová te Dios awu'une, xchihic.

Jeremías 42:6 Referans Kwoze

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Romanos 7:13

¿Yu'un bal ja' la yac'on ta lajel te bila leque? Ma jichuc. Te bila la yac'on ta lajele, ja' stuquel te mulile. Tey chican ta ilel a te mulil te ma lecuque, melel la yac'on ta lajel ta swenta te bila leque. Soc ta swenta te mandalile, chicnaj te mero amen ta c'axem to xan te mulile.

Romanos 7:7

¿Bila ya caltic yu'un jiche? ¿Mulil bal te mandalile? ¡Ma jichuc! Ja'uc me to, te manchuc ayuc te mandalile, ma la jna' te bila a te mulil te jichuque. Ma la jna' teme mulil te bic'tal-o'tanil te manchuc la yal ta jamal te mandalil te “ma me xbic'taj awo'tan”, te xie.

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

Salmos 128:2

Jun me awo'tan ya atuun te bila ya ata ta awat'ele; bin nax me awutsil soc t'ujbil me ya x'ainat spisil ora.

Josué 24:24

Te lum la sjaq'uic: —Te jo'otic ya me cac' yabatinotic te Cajwaltic te Dios cu'untic, ya me jpastic te bila ya yalbotic —xiic.

Éxodo 24:7

La stsacbey slibroil te trato, soc la yawtaybey yaiy ta stojol te lume. Jich la yalic yu'un: —Ya me jpastic spisil te bila ya sc'an te Cajwaltic, ya me jch'uunbeytic te sc'ope —xiic.

Deuteronomio 5:27

Ja' lec teme ya xnoptsajat bael te ja'ate, aiya awaiy ta lec te bila ya yal Cajwaltic te Dios cu'untique, patil ya me awal caiytic, swenta yu'un ya me jpastic spisil te bitic ya sc'an yo'tan ya jpastique”, xaex.

Jeremías 22:15

¿Ja' bal muc' ajwalil c'oemat yu'un ta ac'op, te bit'il joybilat ta cedro? Te atat la smulan lec cuxinel c'ax ta q'uinal; ja'uc me to, toj at'ej ta chajbanwanej, jich lec a c'ot ta loq'uel.

Jeremías 43:4

Jich yu'un, te Johanán, soc te capitanetic yu'un soldadoetic, soc te ants-winiquetic, ma ba jilic xan ta sq'uinal sts'umbal Judá. Jich la xc'axintaybeyic smandal te Cajwaltique.

Salmos 78:36

Pero ta spisil yo'tanic la spasic ta lot.