Jeremías 42:5 - Bible in Tzeltal de Oxchuc y Tenejapa

⁵ Jich la yalbeyic: —Te Cajwaltic Diose ja' lequil testigo, soc melel te bila ya yalbotic stuquele, ac'a me scontroinotic teme ma jpastic spisil te bila ya yalbotic ta awenta te Diose.

Bible in Tzeltal Bachajón

⁵ Hich la yalbeyic te Jeremías: Te Jehová ha'uc smelelil soc stojil testigo ta cohlilcotic teme ma ba ya jpascotic te bin ya sticonat ta yalel ta jtojolcotic te Jehová te Dios awu'une.

Jeremías 42:5 Referans Kwoze

Génesis 31:50

Teme ya xjajch' awuts'inbon te cantsil-nich'nabe, soc teme ya xjajch' ale yan awinam, ma me winicuc te testigo cu'untic, Dios me te testigo cu'untic ta jchebaltique —xi'.

Jueces 11:10

Te mamaletic la yalbeyic xan ta melel: —Te Cajwaltic ja' me testigo cu'untic te ya jpastic ta spisil te bi ya awalbotique —xiic.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Malaquías 2:14

Soc ya to ajojc'oyic te bi yu'une. Ja' testigo te Cajwaltic te ma c'ot ta pasel awu'un te bila la achap ta stojol te ach'ix nujbinat soc te c'alal queremat toe. Ja' ajoy ta xjajch'ibal, soc la awalbey ta jamal te jun me awo'tan ta stojol ta sbajt'el ora.

Miqueas 1:2

Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.

Romanos 1:9

Melel te Diose, te jun nax co'tan cac'oj jba ta abatinel yu'un te ya calbey sc'oplal ta bayuc te Snich'ane, ja' testigo cu'un te spisil ora ya jna'ex te c'alal ya jc'opon te Diose.

Jeremías 5:2

Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

1 Samuel 20:42

Swenta slajibal, te Jonatán la yalbey te David: —Lec ay, baan, jun awo'tan xbaat. Te bila jc'axel jchapojtic jchebaltic, ja' jchapojtic ta swenta te Cajwaltique. Jc'anojbeytic te yacuc swentainotic ta jchebaltic soc cal-jnich'an soc awal-anich'an ta cajalcaj ta sbajt'el q'uinal —xi'. Jich jajch' ta beel, bajt' te David. Te Jonatán sujt' bael ta lum stuquel.

1 Samuel 12:5

La yal xan te Samuele: —Te Cajwaltic soc te muc' ajwalil stsaoje, ja' testigoetic te ma'yuc bi la atabonic jmul a —xi'. —Jich nix a —xiic xan.

Éxodo 20:19

Jich la yalbeyic te Moisés: —Ja'at xac'oponotic atuquel, ya me jch'uuntic. Ma xju' cu'untic te ya sc'oponotic te Diose, repente ya xlajotic yu'un te sc'ope —xiic.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Jeremías 43:2

te Azarías snich'an Osaías, te Johanán snich'an Carea, soc yantic toyba winiquetic la yalbeyic te Jeremías: —Te bila ya awale, lotil. Te Cajwaltic te Dios cu'untique ma ba la yac'bat tel ta awenta awalbelotic te ma xbootic ta Egipto.

Jeremías 43:4

Jich yu'un, te Johanán, soc te capitanetic yu'un soldadoetic, soc te ants-winiquetic, ma ba jilic xan ta sq'uinal sts'umbal Judá. Jich la xc'axintaybeyic smandal te Cajwaltique.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.