Jeremías 42:22 - Bible in Tzeltal de Oxchuc y Tenejapa

²² Ja' yu'un na'aic me ta lec, ta scaj me te guerra, wi'nal soc chamel tey me ya xlajex a ta bay te q'uinal te banti ya ac'anic ya xbaex ta ainele —xi' te Jeremiase.

Bible in Tzeltal Bachajón

²² Ha yu'un na'ahic me ta lec te ya me xlajex ta espada, ta wi'nal soc ta jmilawal-chamel tey ta banti yac ac'anic ya xbahex ta nahinel, xchi te Jeremías.

Jeremías 42:22 Referans Kwoze

Jeremías 42:17

Spisil mach'atic tey yo'tanic bael ta ainel ta Egipto, tey me ya xlajic yu'un guerra soc wi'nal soc chamel. Ma me ayuc mach'a cuxul ya xjil tey a, ma me ayuc mach'a ya xcol yu'un te bila amen ya jticun tele”, xi'.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Ezequiel 6:11

Te Cajwaltic jich la yalbon: —Pac'ulaya ac'ab, soc pumilaya awacan swenta seña mel-o'tan. Awunan ta tulan, jich me xawal: “¡Ya me yil swocol te lum Israel yu'un te yat'el te mero ilaybil sbae!” uta me. Melel ya me xlajic yu'un guerra, ya me xlajic yu'un wi'nal soc chamel.

Jeremías 43:11

Ya me xtal soc ya me sjin spamal sq'uinal Egipto. Te mach'atic chapal sc'oplal te ya xlaje, jich nix me ya xlaj abi; te mach'atic chapal sc'oplal ya x'ic'ot bael ta mosoil, jich nix me xbajt'ic abi; te mach'atic chapal sc'oplal ya xlaj ta guerra, jich nix me ya xlaj abi.

Isaías 30:3

Ja'uc me to, te coltayel yu'un te faraón ja' nax ya sta q'uexlal yu'un a; te anjibal te yaxinal Egipto, ja' nax spejc'anel ya xc'ot.

Jeremías 44:12

Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Jeremías 24:10

Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Ezequiel 6:12

Te mach'atic c'ubul ayique ya me xlajic yu'un bayal chamel; te mach'atic nopol ayique ya me xlajic ta guerra; te mach'atic cuxulic ya xjile, ya me xlajic yu'un wi'nal. Jich me ya xlaj yip te quilimba ta stojolique.