Jeremías 42:21 - Bible in Tzeltal de Oxchuc y Tenejapa

²¹ Ta ora yo'tic la cac'beyexix ana'ic stojol te bila la yac'bon ta jwenta te Cajwaltic Dios ta yalel ta atojolique; ja'uc me to, ma x'ac'an awich'ic ta muc'.

Bible in Tzeltal Bachajón

²¹ La jcalbeyexix awa'iyic, pero ma ba ach'uhunejic te bin la yal te Jehová te Dios awu'unic, o spisil te bintic la sticonon ta yalel ta atojolique.

Jeremías 42:21 Referans Kwoze

Ezequiel 2:7

Pero te ja'ate ya me awalbey yaiyic te jc'ope, manchuc me ya yich'ic ta muc', o ma ba ya yich'ic ta muc', melel mero tulan ya yac' sbaic ta jtojol.

Hechos 20:20

Xujt' ma la jcom jba ta yalel ta atojolic te bila ya xlecubex yu'une. La jp'ijubtesex ta comon ta bay atsoboj abaic soc uuc ta bay anaic juju-jtul.

Ezequiel 3:17

—Ja'at winic, jo'on la cac'atix ta j'il-q'uinal yu'un lum Israel. Teme ay ya calbat c'ope, ya sc'an te ya awalbey yaiyic te bila ya calbate, swenta yu'un jich me ya xjultesbot yo'tanic a.

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

Jeremías 43:1

C'alal laj yo'tan Jeremías ta yalel c'op ta stojol te lume ta spisil te bila ac'bot yal yu'un Cajwaltic te Dios yu'unique,

Jeremías 43:4

Jich yu'un, te Johanán, soc te capitanetic yu'un soldadoetic, soc te ants-winiquetic, ma ba jilic xan ta sq'uinal sts'umbal Judá. Jich la xc'axintaybeyic smandal te Cajwaltique.

Deuteronomio 30:15

“Aiya awaiyic, yo'tic ya cac'beyex atsaic, ja' te cuxlejal soc te lequilal, yan xan, ja' te lajel soc te bila ma lecuque.

Deuteronomio 30:19

Ja' c'aal in to ya cac' ta testigo ta atojolic te ch'ulchan soc te balumilale, te bit'il la cac'beyex atsaic ta swenta te cuxlejale soc te lajele, te bitic swenta bendición soc te bitic swenta castigo. Tsaaic me jiche te cuxlejale, swenta yu'un ya me xcuxinex a, soc ya xcuxin te patil alnich'anetic awu'unique.

Salmos 81:12

Ja' yu'un la cac' te ja' nix la spasic te bila swenta toybail; soc jich ainic ta spisil ora te bit'il la smulan te yo'tanique.

Jeremías 43:7

Ni ma la yich'beyic ta muc' smandal te Cajwaltique, spisilic bajt'ic ta Egipto, c'otic ta lum Tafnes.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Ezequiel 33:32

Jich nax c'oemat yu'unic te bit'il mach'a ya sc'ajintay c'ayojetic swenta nax sbujts'-o'tanil, te buen lec ya xloc' te sc'ayoje, soc te ya sna' stijel arpa. Ya yaiyic te ac'ope, pero ma ba ya spasic bael.