Jeremías 42:2 - Bible in Tzeltal de Oxchuc y Tenejapa

² ta stojol te j'alwanej Jeremías, jich la yalbeyic: —Ay bila ya jc'antic ta atojol, pasbotic a: Albotic wocol a te Cajwaltic Dios, jo'otic te ch'in jteb xanix te jilemotique. Ta neelal mero bayalotic, ta ora yo'tic jteb xanix jilemotic, jich bit'il ya awil in to.

Bible in Tzeltal Bachajón

² ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Jeremías 42:2 Referans Kwoze

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Levítico 26:22

Ya me jticunbeyex ta atojolic jti'awal ja'mal chambalametic te ya slajinbeyex spisil awal-anich'nabic. Ya me smilbeyex te chambalametic awu'unic, soc ya me spejc'anbeyex awajtalulic, asta ma'yuquix mach'a ya xbeenix ta beetic.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Isaías 37:4

Te Cajwaltic te Dios awu'une la yaiybey stojol sc'op te mach'a yich'oj yat'el te ticunot tel yu'un te muc' ajwalil yu'un Asiria, te tal yixtac'optay te cuxul Diose. Ayuc bit'il ya yac'bey castigo yu'un te bitic la yale. La nix yaiy stojol stuquel a te Dios awu'une. C'oponbotic Dios a te jich xan yipal jilemotic ta c'abale”, uta me —xi' bael sc'op te muc' ajwalil Ezequías.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 7:8

Jich la yalbeyic te Samuel: —Ma me x'acom aba ta sc'oponel te Cajwaltic te Dios cu'untique, c'opona me Dios ta jtojoltic, swenta yu'un ma ba ya x'ochotic ta sc'ab te filisteoetique —la yutic.

Jeremías 37:20

Aiybon awaiy stojol yo'tic, ac'bon te bila ya jc'anbat ta atojole: Ma xawac' te ya yic'onic xan bael ta sna Jonatán te ja' cronistae, teme ayuc bit'il lajucon tey a —xi'.

Jeremías 37:3

Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

Deuteronomio 28:62

Ja'at Israel te mero bayalate, te jichat te bit'il eq'uetic ta ch'ulchan, pero ya me awich' ch'inubtesel, ma me ayuquix tsobol ya xjilat, ta scaj te ma ba la ach'uun te Cajwaltic Diose.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

San Mateo 24:22

Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

Ezequiel 12:16

Pero ya me cac' te ya xcolic jilel cha'oxtul ta guerra, ta wi'nal, soc ta chamel, swenta yu'un ta nacionetic te banti ya xbajt'ic, ya me yalic spisil te bitic ilaybil sba la spasique, soc ya me sna'ic te jo'on Ajwalilon —xi'.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

Deuteronomio 4:27

Te Cajwaltic ya me spuquex bael ta yantic nacionetic, ma me ayuquix bayal cuxul ya xjilex.

Éxodo 9:28

Mero c'axem to xan te chawuc soc te bat te ay ta jtojoltique. Ja' yu'un c'anbotic a te Awajwale, ya me caq'uexix bael —xi'.

Jeremías 15:11

Ac'a c'otuc ta pasel yu'unic te sbol-c'opic, Cajwal, teme ma ba lec cac'oj jba ta abatinel awu'une, teme ma ba calojbat wocol ta xc'uxtayel te jcontrotac, c'alal ayic ta wocol soc mel-o'tan.

Jeremías 38:14

Te muc' ajwalil Sedequías la yal mandal ta iq'uel tel ta stojol te j'alwanej Jeremías, ta bay yoxebal yochibal templo. Te muc' ajwalil tey la yalbey a: —Ay bila ya jojc'obat jp'aluc, ya jc'an te yacuc asujt'esbon ta mero sjamalul ta jyalel —xi'.

Jeremías 40:15

Jich yu'un te Johanán la yalbey ta muquen te Gedalías: —Ac'awon bael, ya xba jmil te Ismael, te ma me ayuc mach'a ya sna' te mach'a la smile. ¿Bistuc ya cac'tic te ja' ya xtal smilat te ja'ate? Ja' ya xcha'pujc'otic xan bael yu'un a te jo'otic judioetic jtsobojix jbatic ta ajoyobale, soc ja' sjinel ya xc'ot te jayeb xan jilemic ta Judá —xi'.

Oseas 8:10

Ja'uc me to, manchuc teme la yac'bey majt'anil te nacionetique, yo'tic ya me yich' tsobel cu'un yu'un ya cac'bey castigo. Ya me xwoclajic ta sc'ab te ajwalil te tulan yo'tane.

Amós 7:2

Patil la quil te c'ulubetic yacaliquix ta slajinel ta jyalel te aquiltic ta lumq'uinale, jich la cal: —Cajwal, pasbon perdón. ¿Bit'il c'an cujch'uc yu'un te Jacob te lum awu'une? Melel c'ax ch'in ta jyalel —xoon yu'un.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,

Salmos 119:170

Ac'a c'otuc ta atojol te ya jc'oponate, ac'awon ta libre, jich bit'il te awaloje.

Isaías 42:20

Bayal bitic ya yil, ja'uc me to, ma xyil c'oem; ya xju' ya yaiy stojol, ja'uc me to, xujt' ma xc'ot ta yo'tan.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.