Jeremías 42:11 - Bible in Tzeltal de Oxchuc y Tenejapa

¹¹ Ma x'axi'ic te muc' ajwalil yu'un Babilonia, te bayal ay ta xi'el awu'unique. Ma me x'axi'ic, melel joinejex ta jcoltabelex, soc ya jloq'uesex ta sc'ab. Jo'on Ajwalilon, jich ya cal.

Bible in Tzeltal Bachajón

¹¹ Ma me xaxi'ic te ajwalil yu'un Babilonia, te yac axi'belic ta ora ini. Ma me xaxi'ic, xchi te Jehová, yu'un ya joquinejex yu'un ya jcoltayex soc ya jloq'uesex ta libre ta sc'ab.

Jeremías 42:11 Referans Kwoze

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Isaías 43:5

Ma me xiwat, melel joinejat me. C'alal ta sloq'uib soc smalib c'aal, ya quic' sujt'el tel te ants-winiquetic awu'une swenta yu'un ya yich' xan tsobel.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Jeremías 41:18

swenta yu'un ya xcolic ta sc'ab caldeoetic ta sc'opic. Ja' ayic ta xiwel yu'un te la smil Gedalías te Ismael, melel te Gedalías ac'bil jilel yat'el ta ajwalil ta slumal yu'un te muc' ajwalil ta Babilonia.

Jeremías 27:17

Ma me x'awich'beyic ta muc' te sc'opique. Ac'a abaic ta sc'ab te muc' ajwalil yu'un Babilonia, jich me ya xcuxinex. ¿Bi ya xtuun awu'unic a te ya xc'atp'uj ta jinem ts'ajq'uetic te lume?

Jeremías 15:20

Ya me cac' te jichucat ta swenta in lum to te bit'il ts'ajc' pasbil ta bronce te wocol ta jinele. Ya yac'bat guerra, pero ma ba ya stsalat. Melel joinejat, ya jcoltayat soc ya cac'at ta libre. Jo'on Ajwalilon, jich ya cal.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Deuteronomio 20:4

melel te Cajwaltic te Dios cu'untic sjoinejex me. Ja' me stuquel te ya yac'bey guerra te acontroique, soc ya me yac'beyex awaiyic tsalaw stuquel”, xi' me.

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Jeremías 27:12

Jo'on, Jeremíason, la calbey spisil Sedequías te muc' ajwalil yu'un Judá, soc jich la calbey xan: —Ac'a abaic ta sc'ab te muc' ajwalil yu'un Babilonia soc te lum yu'une, jich me ya xcuxinex.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

2 Reyes 25:26

Ja' yu'un ta spisil te yantic, ta scaj te ja' la xi'ic te caldeoetic, jajch'ic bael, bajt'ic ta Egipto ta spisil, muc'-biq'uitetic, soc te capitanetique.

Salmos 118:6

Te Cajwaltic sjoinejon; jich ma xju' ya xiwon. ¿Bi ya xju' spasbon te winique?

Jeremías 27:11

Yan te nación te ya yac' sba ta sc'ab te muc' ajwalil yu'un Babilonia, ya quijq'uitay jilel ta sq'uinal swenta yu'un ya xcuxin tey a soc ya sc'altay. Jo'on Ajwalilon, jich ya cal —xi'.