Jeremías 42:10 - Bible in Tzeltal de Oxchuc y Tenejapa

¹⁰ “Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.

Bible in Tzeltal Bachajón

¹⁰ Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Jeremías 42:10 Referans Kwoze

Ezequiel 36:36

Jich te lumetic nopol ayex soc te ay to cuxulique, ya me sna'ic te jo'on te Ajwalilon, te yacon ta xcha'pasel xan te bila jineme, soc te yacon ta sts'unel xan te bila jc'axel yich'oj lajinele. Jo'on Ajwalilon te jich caloje, jich me ya jpas.

Jeremías 31:28

Jich bit'il jun co'tan la jpas ta swenta sbulel, ta stijel coel, ta xch'ojel ta lum, ta sjinel, soc ta yac'beyel swocolic, ja' nix jich co'tan ta spasel soc ta sts'unel xan. Jo'on Ajwalilon, jich ya cal.

Jeremías 24:6

yacon ta scanantayel, soc ya me sujt'es tel li' ta q'uinal to. Li' ya cac' esmajuc, soc ma ba ya jcha'jin xan; ya jts'un, ma ba ya jcha'bul xan.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Amós 7:6

Jich yu'un te Cajwaltic la scom sba ta spasel te bila xchapoj ta yo'tane, soc jich la yal: —Ma me xc'ot ta pasel jiche —xi'.

Jeremías 33:7

Ya cac'bey xan yutsilal Judá soc Israel, soc ya jcha'pas xan, swenta yu'un jich ya xcha'c'otic te bit'il ayic ta xjajch'ibale.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Amós 7:3

Jich yu'un te Cajwaltic la snop xan te bila xchapoj ta yo'tane, jich la yal: —Ma me xc'ot ta pasel —xi'.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Hechos 15:16

“La yal te Cajwaltique: ‘Ta patil ya xcha'talon xan soc ya me jcha'pas xan te sna David te jinem coele. Ya me jchajban xan ta yach'il te bit'il jineme, soc ya jcha'tejc'an moel,

Jeremías 26:19

“¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Salmos 102:16

C'alal ya yich' cha'pasel te lum Sión, ya me xchicnaj yutsilal.

Salmos 69:35

Melel Dios me ya scoltay te Sión, soc ya me xcha'pas te lumetic ta spamal sq'uinal Judá. Te yal-snich'nab te abatetic yu'un ya me yu'unin te lume; tey me ya xnainic a, ya me yich'beyic jilel; te mach'atic c'ux ta yo'tanic Dios ya me xnainic tey a.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

2 Samuel 24:16

Te c'alal nopol ya slajinix a te Jerusalén te ch'ul abate, te Cajwaltic la sujt'es sc'op, la scom te ch'ul abat yu'un yac ta lajinwaneje: —Tiq'uix a. Ma xalajinix —xi'. Jich quejch'aj te lajele. Te ch'ul abat yu'un te Cajwaltic, ja' yorail tey ay bael ta banti yac ta sloq'uesel spat strigo te Arauna te jebuseo-winique.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Deuteronomio 32:36

Te Cajwaltique ya me xloc' ta scoltayel te lum yu'un, teme ya yil te ma'yuc te yipe; te Cajwaltic ya me sna'bey yo'bolil sba te abatetic yu'un, te c'alal ya yil te ma'yuquix jilem mach'atic ay yipic.

Jeremías 27:11

Yan te nación te ya yac' sba ta sc'ab te muc' ajwalil yu'un Babilonia, ya quijq'uitay jilel ta sq'uinal swenta yu'un ya xcuxin tey a soc ya sc'altay. Jo'on Ajwalilon, jich ya cal —xi'.

Jeremías 43:4

Jich yu'un, te Johanán, soc te capitanetic yu'un soldadoetic, soc te ants-winiquetic, ma ba jilic xan ta sq'uinal sts'umbal Judá. Jich la xc'axintaybeyic smandal te Cajwaltique.

Jonás 3:4

Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.