Jeremías 41:9 - Bible in Tzeltal de Oxchuc y Tenejapa

⁹ Te pozo te bay la xch'ojbey coel sbaq'uetal winiquetic te la smile, ja' nix te la yal mandal ta pasel te namey q'uinal muc' ajwalil Asa; ja' yorail a te la scoltay sba ta stojol te muc' ajwalil Baasa yu'un Israel. Mero muc'ul pozo ta jyalel; ja'uc me to, noj yu'un sbaq'uetalic te winiquetic la smil te Ismaele.

Bible in Tzeltal Bachajón

⁹ Te hotbil ch'en te banti la sch'ojticlambe cohel sbaq'uetal te winiquetic te la smilticlan ta scaj te Gedalías, ha nix te hotbil ch'en te la spas te ajwalil Asa yu'un hich ya scoltay sba a yu'un te Baasa ajwalil yu'un Israel. Te Ismael snich'an Netanías la snojes ta chamen baq'uet.

Jeremías 41:9 Referans Kwoze

2 Samuel 17:9

Yo'tic, snac'ojix sba ta nailch'en, o ay wan ta yan lugar. Soc teme ta xjajch'ibal to ya xchicnaj ta alel te ay lajix te mach'atic st'unojate, puersa me ay mach'a ya yal te lajix ta tsalel te mach'atic st'unojate.

1 Samuel 13:6

Te israeletic jajch'ic ta buen wocol yu'un te c'alal tenotic yu'un te filisteoetique. La snac' sbaic ta ch'entiquil, ta lom ch'entiquil, ta nailch'entiquil, ta beja' ch'entiquil soc ta pozoetic.

Jueces 6:2

Te madianetic la yac'beyic c'axuc swocol te israeletic, squechcon nax ta toyel jajch'el te swocolique. Te bit'il och bayal xiwel ta yo'tanic te israeletic yu'un te madianetic, la spasic yanjibic ta witstiquil, ta nailch'entiquil, soc ta bay chujc'ul q'uinal ta bay wocol ya xtaotiquixe.

Hebreos 11:38

In winiquetic to, ma'yuc yantic ta balumilal te jich ay yutsil yo'tanique. Chican nax te banti beenic ta jochol q'uinal, soc ta bay witstiquil, soc ta bay tsalal ch'entiquil, soc ta nailch'enetic.

1 Samuel 24:3

Te c'alal yac ta beel bael, c'ot ta corraletic yu'un chijetic. Ta snopolil bael ay nailch'en te banti snac'oj sba ta mero yutil te David soc te swinictaque. Te Saúl och bael ta tsa'anel tey a.

1 Samuel 14:22

Te c'alal la yaiyic te israeletic baemic ta anel ta switsul sq'uinal Efraín te yacaliquix ta anel te filisteoetic, ora ba snutsic.

1 Samuel 14:11

Jich la spasic. La yac' sbaic ta ilel yu'un te soldado-filisteoetique. C'alal ilawanic, jich la yalic: —Ila awilic yacalix ta loq'uel tel te hebreoetic snac'oj sbaic ta ch'entiquile —xiic.

Isaías 14:19

Yan te ja'ate, c'ubul ya xch'ojat loq'uel te muquenale, pajalat soc te bila amen te ilaybile, pajalat soc te mach'a lajem te pech'bil ta teq'uele. Tey ya xc'oat ta yolil ants-winiquetic te lajic ta milel ta lowel ta puñal, te ch'ojbilic bael ta xaab te nojel ta tonetique.