Jeremías 41:7 - Bible in Tzeltal de Oxchuc y Tenejapa

⁷ Te c'alal nax a c'otic ta yolil te lume, te Ismael soc te swinictaque la smilic, soc la xch'ojic coel ta pozo.

Bible in Tzeltal Bachajón

⁷ Te c'alal c'ohtic ta yutil te pueblo, te Ismael snich'an Netanías soc te swinictac la smilic soc la sch'ojic cohel ta hotbil ch'en.

Jeremías 41:7 Referans Kwoze

Ezequiel 22:27

Te ajwaliletic yu'un te lumq'uinal pajal soc ja'mal ts'i'etic te ya stuch' ta ti'el te sti'balique. Chapalic yu'un ya smalbeyic xch'ich'el yantic, chapalic yu'un ya smilic ants-winiquetic, yu'un jich ya sta sc'ulejalic a.

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

Romanos 3:15

Xtananet nax yacanic ta milaw ta smalel ch'ich'.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

2 Reyes 15:25

Pero jtul capitán-soldado, Peka sbiil, snich'an Remalías, la xchap sc'op ta scontroinel. Soc lajuneb yoxwinic (50) winiquetic ta Galaad, c'o staic ta anjibal ta spalacio te muc' ajwalil, tey c'o smilic a. C'alal la smil, ja' och sjelolin ta muc' ajwalil te Peka.

Isaías 14:19

Yan te ja'ate, c'ubul ya xch'ojat loq'uel te muquenale, pajalat soc te bila amen te ilaybile, pajalat soc te mach'a lajem te pech'bil ta teq'uele. Tey ya xc'oat ta yolil ants-winiquetic te lajic ta milel ta lowel ta puñal, te ch'ojbilic bael ta xaab te nojel ta tonetique.