Jeremías 41:5 - Bible in Tzeltal de Oxchuc y Tenejapa

⁵ talic ta Siquem, Silo soc Samaria chanwinic (80) ta jtul winiquetic, te xjoxoj yisimic, soc ch'i'emic sc'u'-spaq'uic soc ejch'enajemic, te ja'ic nix la spasbey sbaique. Yich'ojic tel harina soc pom ta swenta yac'bel smajt'an Cajwaltic ta templo.

Bible in Tzeltal Bachajón

⁵ ay winiquetic te talic ta Siquem, Silo soc Samaria, chanwinic (80) ta tuhl te sloq'uesej yisimic, chi'emic sc'u' spaq'uic soc yehchentesej sbahic, yich'ojic tal mahtanil harina soc pom ta sna Jehová.

Jeremías 41:5 Referans Kwoze

1 Reyes 16:24

La smanbey te Semer te swits yu'un Samaria, waqueb xchanwinic (66) kilo plata la stoj. Tey la spas jpam lum a te joytabil ta ts'ajq'ue. Samaria sbiil c'ot yu'un te lume, scaj te Semer sbiil te winic la xchon te witse.

2 Reyes 25:9

La yac'bey sc'aal te templo, te sna muc' ajwalil, soc spisil te naetic ta lum, ja' mero tojlinotic te snaic te mach'atic ich'bilic ta muq'ue.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

1 Reyes 12:1

Te Roboam bajt' ta Siquem, yu'un spisil Israel bajt' tey a, swenta yu'un ya yaq'uic ta muc' ajwalil.

Jueces 9:1

Te Abimelec, snich'an Jerobaal, bajt' ta Siquem ta aiyej soc yermanotac te sme'e, jich la yalbey:

Génesis 33:18

Te Jacob lec a jul ta sq'uinal Canaán c'alal sujt' tel ta Padan-aram, c'ot ta nopol lum Siquem. La stejc'an snailpac' tey a ta stojol te lume.

Isaías 15:2

Te yajwal lum Dibón ya xmo bael ta oq'uel ta templo yu'unic te ay ta ch'in witse. Te Moab ya smel yo'tan yu'un te la yich'ix jinel te lum Nebo soc te lum Medeba. Spisilic joxbil sjolic, joxbil yisimic.

1 Reyes 16:29

Ta waxaclajuneb xcha'winic (38) ja'wil yat'el ta muc' ajwalil ta Judá a te Asa, och ta muc' ajwalil ta Israel te Acab te snich'an Omri. Jalaj cheb xcha'winic (22) ja'wil ta muc' ajwalil ta stojol Israel ta lum Samaria.

1 Reyes 12:25

Te Jeroboam la spas xan te lum Siquem ay ta swits sq'uinal Efraín, nain tey a. Patil la spas xan te lum Penuel.

1 Samuel 1:7

Te jujun ja'wil c'alal ya xbajt'ic ta templo yu'un te Cajwaltic, te Penina jich ya staulabey ta alel. Ja' yu'un te Ana ya x'oc' soc ma ba ya xwe' yu'un te mel-o'tane.

Jeremías 7:14

Jich yu'un, jich nix te bit'il la jpasbey te ch'ul templo ta Silo, jich nix ya jpasbey in templo to te ac'bilon ta jwentae, te la cac'beyex te ja'ex soc te antiguo ame'-atatique, te ja' smuc'ulinej awo'tanique.

Jeremías 7:12

Baanic ta Silo, te sbabial awilal la jtsa swenta yu'un tey ya x'ainon a. Ilawilic bi la jpasbey scaj te bi mulil la spas te lum Israel cu'une.

Salmos 102:14

Te abatetic awu'un c'ux ta yo'tanic te tonetic yu'un Sión; c'ux ya yaiyic ta jyalel te bit'il jinemixe.

2 Samuel 10:4

Ja' yu'un la yal mandal te Hanún te ya yich'ic tsaquel te abatetic yu'un David, soc te ya sloq'uesbeyic olil te yisimique, soc ya sjatsbeyic ta olil te sc'u'ique, ya xc'ot ta jatsel c'alal ta xcho yitic. Patil ya yac' bael.

Josué 24:32

Te sbaquel José te la yich'beyic tel israeletic c'alal ta Egipto, ba smucbeyic ta Siquem, ja' te q'uinal te la sman te Jacobe. Jo'winic (100) ta jsejp plata la stojbey te snich'nab Hamor, te stat Siquem, ja' te la sq'uinaliniquix te sts'umbal José.

Génesis 34:2

Te Hamor te heveo-winic te jtsobwanej ta slumal, ay snich'an Siquem sbiil te la yil te ach'ixe. La stsac, way soc, jich la yuts'in.

Génesis 37:12

Ta patil te sbanquiltac ba slebey swe'el xchij te static ta Siquem.

Jueces 18:31

Ay ta yolilic te loc'omba la spas Micaía ta spisil tel c'aal te ay ta Silo te Nailpac' Templo yu'un te Cajwaltique.

Salmos 78:60

soc la yijq'uitay te templo ta Silo, te ja' sna ta yolil te ants-winiquetique.

Jeremías 16:6

Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

Jeremías 41:4

Ta yan c'aalil te bit'il lajix a te Gedalías, te c'alal ma to ayuc mach'a yaiyoj stojol a te bila c'oem ta pasele,

Jeremías 47:5

Te ants-winiquetic ta Gaza, ya st'axan ta joxel sjolic; te ants-winiquetic ta Ascalón, ya xjilic ta uma'. Te ja'ex slajibalex te antiguo muc'ul najt'il winiquexe, ¿bi ora ya acom abaic ta sbojel abaq'uetalic ta seña te amel-o'tane?

Jeremías 48:37

Spisil loq'uesbil stsotsil sjolic soc yisimic; spisilic la yejch'entes sc'abic soc slapojic ch'ixal paq'uetic.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

1 Crónicas 19:4

Te Hanún la yal mandal ta tsaquel te abatetic yu'un David. La yixta-joxbeyic yisimic, soc la set'beyic loq'uel te snajt'il c'u'ic c'alal ta yit. Ta patil la sticun bael.