Jeremías 41:1 - Bible in Tzeltal de Oxchuc y Tenejapa

¹ Te Ismael snich'an Netanías, smam Elisamá, te sts'umbalinej sba soc te ajwalile, ta sjuquebal u a bajt' ta Mizpa ta yula'tayel Gedalías, joinbil bael yu'un lajuntul winiquetic. C'alal jun yacalic ta we'el a ta Mizpa,

Bible in Tzeltal Bachajón

¹ Ta shuquebal u te Ismael snich'an Netanías, snich'an Elisama, te ha sts'umbal ajwalil, soc lajuntuhl winiquetic talic ta stojol te Gedalías snich'an Ahicam ta Mizpa. C'alal yacalic ta we'el ta Mizpa a,

Jeremías 41:1 Referans Kwoze

Jeremías 40:8

Bajt'ic soc te soldadoetic yu'unic ta Mizpa, ta yilel te Gedalías. Ja'ic te Ismael snich'an Netanías; Johanán soc Jonatán, snich'nab Carea; Seraías snich'an Tanhumet; te snich'nab Efai te ay ta Netofá; soc Jezanías, snich'an jtul winic ta lum Maacat, soc te winiquetic yu'unique.

Jeremías 40:6

Te Jeremías bajt' ta stojol Gedalías ta Mizpa. Tey nain soc a, soc nix te ants-winiquetic te jilemic xan ta slum-sq'uinalique.

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.

Ezequiel 17:13

La yic' jtul te sts'umbal ajwalile, ay trato la xchap soc, la yac' puersa te jc'axel ya yal ta jamal te mero jun yo'tan ta stojole. La yic' bael te winiquetic bayal sp'ijilic ta slum-sq'uinalique.

Jeremías 36:20

Te mach'atic toyol yat'elic, la yijq'uitayic te balbil jun ta scuarto Elisamá, ja' te cronista, bajt'ic ta yalbel yaiy te muc' ajwalil ta banti aye.

Jeremías 36:12

Jich bajt' ta spalacio te ajwalile ta scuarto te cronista, te tey ayic ta tsoblej spisilic a te mach'atic toyol yat'elique: Te Elisamá, ja' cronista, Delaía snich'an Semaías, Elnatán snich'an Acbor, Gemarías snich'an Safán, Sedequías snich'an Hananías soc yantic te toyol yat'elique.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Proverbios 13:10

Te toybaile ja' ya sjajch'es c'op stuquel; te p'ijilil ja' ay ta stojol te mach'atic peq'uel yac'oj sbaique.

Salmos 109:5

Te xc'uxul co'tan ya sujt'esbonic ta lab-o'tanil; manchuc me c'ux ya caiy ta co'tan te jo'one, ay slab yo'tan stuquelic.

2 Crónicas 22:10

Te Atalía, sme' Ocozías, c'alal nax la yaiy stojol te laj te yale, ja' te Ocozías, ba smil spisil te mach'atic ay yu'un te muc' ajwalil ta Judá.

2 Reyes 25:25

Pero ta sjuquebal u, te Ismael snich'an Netanías, smam Elisama, sts'umbal muc' ajwalil ta Judá, c'ot tey a, sjoinej c'oel lajuntul winiquetic. Ta spisilic la smilic te Gedalías soc te judioetic soc te caldeoetic sjoinej ta Mizpa.

2 Reyes 11:1

Te c'alal la yaiy te Atalía sme' Ocozías te lajix te yale, bajt', la yac' ta milel spisil te mach'atic ay yu'un te muc' ajwalile.

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

Jeremías 39:14

la yalic mandal ta loq'uesel Jeremías ta bay amac' yu'un soldadoetic. La yac'beyic ta swenta scanantayel te Gedalías, te snich'an Ahicam, smam Safán, swenta yu'un ya yiq'uic bael ta sna Gedalías. Jich jil Jeremías ta yolil te lume.

Jeremías 40:5

Teme ya amulan ya sujt'at bael, baan ta stojol Gedalías, te snich'an Ahicam, smam Safán, te ja' yich'ojix yat'el ta ajwalil ta lumetic ta Judá yu'un te muc' ajwalil ta Babilonia, joina tey a soc te alumale. Baan me tey a ta bay lec ya awile —xi' te comandante. Ta ora la yac'bey smajt'an soc bitic ya xtuun yu'un, la spatbey bael yo'tan.

Jeremías 40:13

Te Johanán snich'an Carea, soc spisil te yantic comandanteetic yu'un soldadoetic te pujq'uemic jilel ta q'uinale, bajt'ic ta Mizpa ta yilel Gedalías,

2 Reyes 25:22

Te Nabucodonosor muc' ajwalil yu'un Babilonia la yac' ochel ta jwentainwanej te Gedalías snich'an Ahicam, smam Safán, swenta yu'un ya swentain te mach'atic la yijq'uitay jilel ta sq'uinal Judá.

Jeremías 40:7

Te comandanteetic soc te soldado-judioetic te pujq'uem ta q'uinal ta bayuc, la yaiyic stojol te ja' yich'ojix yat'el ta ajwalil te Gedalías yu'un te muc' ajwalil ta Babilonia. Ja' te snich'an Ahicam te ja' jil ta swenta te winiquetic, antsetic soc alaletic, te mach'atic me'baetic ta bay te lumq'uinale, te ma ba ic'otic bael ta Babilonia stuquelique.