Jeremías 40:7 - Bible in Tzeltal de Oxchuc y Tenejapa

⁷ Te comandanteetic soc te soldado-judioetic te pujq'uem ta q'uinal ta bayuc, la yaiyic stojol te ja' yich'ojix yat'el ta ajwalil te Gedalías yu'un te muc' ajwalil ta Babilonia. Ja' te snich'an Ahicam te ja' jil ta swenta te winiquetic, antsetic soc alaletic, te mach'atic me'baetic ta bay te lumq'uinale, te ma ba ic'otic bael ta Babilonia stuquelique.

Bible in Tzeltal Bachajón

⁷ Spisil te capitanetic judiohetic soc te swinictac te ayic ta yohl q'uinal, c'alal la ya'iyic te otsesot ta gobernador te Gedalías snich'an Ahicam yu'un te ajwalil yu'un Babilonia, te a'bot ta scuenta te winiquetic, antsetic soc alaletic, ha te pobrehetic ta q'uinal te ma ba ic'otic bahel ta Babilonia,

Jeremías 40:7 Referans Kwoze

Jeremías 39:10

Ja' nax a jil ta sq'uinal Judá te mach'atic me'baetic, te mach'atic ma'yuc bi ay yu'unic ta jyalele. Ja' jich c'aalil la yac'bey jilel ts'usubiltic soc sq'uinalic.

Ezequiel 45:16

“Ta apisilic te ayex ta lumq'uinal, puersa me ya awac'beyic te ajwalil yu'un Israel te majt'aniletique,

Jeremías 39:4

C'alal la yil te muc' ajwalil Sedequías, soc te soldadoetic yu'un te bila c'ot ta pasel, anic loq'uel ta lum. Ajc'ubal loq'uic bael ta be ta bay ts'unul nichimetic yu'un te ajwalile, ta yochibal te ay ta yolil xchebal te ts'ajq'uetique, coic bael ta be ta stenlej xatal q'uinal yu'un Jordán.

2 Reyes 25:4

Ja' yu'un la slomic te sts'ajc'ul te lume. Jich loq'uic ta anel ta ajc'ubal te mach'a muc' ajwalil soc te soldadoetic yu'un, manchuc me joytabilic yu'un te caldeoetique. Tey loq'uic bael ta stojol te banti ay sti' ta yolil te cheb ts'ajq'uetique, ta be bael yu'un te ts'unbil nichimaltic yu'un ajwaliletic, ja' la st'unic bael te be baem ta spamlej yu'un Jordán.

2 Reyes 25:12

Ja' xanix la yijq'uitay jteb xan te mach'atic mero me'baetic, swenta yu'un ya me x'at'ejic ta ts'usubiltic soc ta lumq'uinaletic.

Jeremías 41:11

Te Johanán snich'an Carea, soc capitanetic yu'un soldadoetic te sjoinej sbaic soque, la yaiyic stojol te bila amen la spas te Ismaele.

Jeremías 43:6

ja' te winiquetic, antsetic, alaletic, te yantsil-nich'nab te muc' ajwalil soc spisil te yantic, te ac'bot jilel ta swenta te anima Gedalías yu'un te Nabuzaradán, comandante yu'un te jcanantaywanejetic. Tey nix wentainbil a te Jeremías soc Baruc.

Jeremías 52:16

Ja' nax la yijq'uitayic te mach'atic me'baetic ta jyalele, swenta yu'un ya spasic xan te ts'usubiltic soc sc'a'tesel te q'uinale.

Jeremías 39:9

Ta slajibal, te Nabuzaradán, te comandante yu'un te canantaywanejetic yu'un te muc' ajwalile, la yic' bael ta mosoil ta Babilonia te mach'atic yajwal te lum te ayic to xan tey a, soc te mach'atic c'axemiquix soc te caldeoetique; ja' ta spisil te lume.

Jeremías 39:14

la yalic mandal ta loq'uesel Jeremías ta bay amac' yu'un soldadoetic. La yac'beyic ta swenta scanantayel te Gedalías, te snich'an Ahicam, smam Safán, swenta yu'un ya yiq'uic bael ta sna Gedalías. Jich jil Jeremías ta yolil te lume.

Jeremías 41:1

Te Ismael snich'an Netanías, smam Elisamá, te sts'umbalinej sba soc te ajwalile, ta sjuquebal u a bajt' ta Mizpa ta yula'tayel Gedalías, joinbil bael yu'un lajuntul winiquetic. C'alal jun yacalic ta we'el a ta Mizpa,

Jeremías 41:10

Ja' nix jich te Ismael la xchuc bael te yantsil-nich'nab te muc' ajwalile soc te ants-winiquetic te ayic xan ta Mizpa, ja'ic te ac'bot jilel ta swenta Gedalías yu'un te Nabuzaradán te capitán yu'un te jcanantaywanejetique. Te Ismael la xchuc bael, jajch' ta beel yu'un ay ta yo'tan te ya xc'ax ta sq'uinal Amón.