Jeremías 40:10 - Bible in Tzeltal de Oxchuc y Tenejapa

¹⁰ Jo'on me ya xjilon ta Mizpa, swenta yu'un ya xc'opojon awu'unic ja'ex ta stojol te caldeoetic c'alal ya xtalic li'to. Te ja'exe at'elinaic stsobel te vino, sit te'etic soc aceite, soc jich me ya xju' xjilex ta lumetic ta bay ayexixe —xi'.

Bible in Tzeltal Bachajón

¹⁰ Te ho'one ya xhilon ta Mizpa scuenta yu'un ya xc'opojon awu'unic ta stojol te caldeohetic te ya xtalic ta jtojoltic. Te ha'exe tsobahic te vino, te sit te'etic yu'un te yorahil ha'alel q'uinal, soc te aceite, ac'ticlanahic ta yawil, nahinanic ta pueblohetic te awich'ojique, xchi.

Jeremías 40:10 Referans Kwoze

Jeremías 40:12

Jich yu'un, sujt'ic bael ta Judá spisilic ta bay pujq'uemic bael ta q'uinale, ba stejc'an sbaic ta stojol Gedalías ta Mizpa. Jich nix la yat'elinic stsobel bayal vino soc sit te'etic.

Jeremías 48:32

Ya me coq'uetayat, ja'at sts'usubil Sibma, c'ax jich te bit'il la yich' oq'uetayel Jazer. Te ac'abc'abe c'axic bael ta jejch' mar ja' to c'oemic ta Jazer. Ta ora yo'tic te ts'usub te sc'oplal ya atule, jinbilix jilel.

Jeremías 39:10

Ja' nax a jil ta sq'uinal Judá te mach'atic me'baetic, te mach'atic ma'yuc bi ay yu'unic ta jyalele. Ja' jich c'aalil la yac'bey jilel ts'usubiltic soc sq'uinalic.

Jeremías 35:19

jo'on te Ajwalilon te Spisil ya xju' cu'un, soc te jo'on Dioson yu'un Israel, ya calbat ta jamal te ma me xch'ay jtuluc sts'umbal Jonadab te ay ta abatinel cu'un spisil ora”, xi' me —xi'.

Isaías 16:9

Ja' swentail te ya x'oc'on yu'un te ts'usubiltic ta Sibma, soc nix te yu'un Jazer, soc ya jmal ya'lel jsit yu'un te Hesbón soc te Eleale. Melel te sit, te bitic sc'oplal ya yich' tulel loq'uel, ma xju'ix ta tsobel ta scaj te jajch'ix aw yu'un guerra.

2 Samuel 16:1

Jteb to nax xc'axel bael ta ba wits a te David, loc' ta tael yu'un Siba, ja' te yabat Mefi-boset. Yic'oj cheb burroetic, chajbajtic soc scuchoj lajunwinic (200) ta jpejch' pan, jo'winic (100) ta jpejch' taquintesbil ts'usub, jo'winic (100) ta jp'is sit awalts'unubiletic te yorail sit a, soc jpojc' ta nujc'ulil vino.

Deuteronomio 1:38

Ja' me ya x'och bael ta ajelol te ajoy ta at'el Josué, te snich'an Nun. Ac'beya xan yich' yip yo'tan ta lec, melel ja' me ya yac'bey te israeletic te lumq'uinale.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Miqueas 7:1

¡Obol jba! Jich c'oemon ya caiy te bit'il ya jle xan te c'alal c'axemix a te bila la yich' tulele; ma ba ya jtaix sit ts'usub ni sit higuera, ja'ic te bi ya smulan co'tan swe'elinel xane.

Jeremías 40:6

Te Jeremías bajt' ta stojol Gedalías ta Mizpa. Tey nain soc a, soc nix te ants-winiquetic te jilemic xan ta slum-sq'uinalique.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Deuteronomio 16:13

“Teme laj awo'tanic ta set'el te sit atrigoic, soc teme laj awo'tanic ta spits'el te sit ats'usubique, ya me apasic juqueb c'aal q'uin yu'un Nailwamal.

1 Reyes 10:8

Mero bayal yutsil yo'tanic te ants-winiquetic awu'un, soc bin nax yo'tanic te abatetic awu'un, te bit'il spisil ora ayic ta ats'eel yu'un yaiyel stojol te sp'ijil ac'ope.

Proverbios 27:25

C'alal ya xchicnaj aquiltic, soc ya xyaxub, soc te ya yich' tsobel te aquiltic ta witstiquile,

Jeremías 43:5

Amen te bila la spas te Johanán soc spisil te jtsobwanejetic yu'un te soldadoetique: La stsobic te ants-winiquetic jilem xan ta Judá, te sujt'emiquix tel tey a te bit'il pujq'uic bael ta bayuc ta lumetique,