Jeremías 4:9 - Bible in Tzeltal de Oxchuc y Tenejapa

⁹ Te Cajwaltic jich ya yal: —Te c'alal ya xc'ot sc'aalelal, te muc' ajwalil soc te jtsobwanejetic ya xnijq'uic yu'un xiwel, te sacerdoteetic ya me yaiyic bayal xiwel, te j'alwanejetic jchajp nax me q'uinal ya yaiyic yu'un te xiwtesele —xi'.

Bible in Tzeltal Bachajón

⁹ Ta hich ora, xchi te Jehová, ya me xiw yo'tanic te ajwalil soc te príncipaletic, te sacerdotehetic ya me ya'iyic tulan xiwel, te jalwanejetic xcham yo'tanic ya ya'iyic yu'un, xchi.

Jeremías 4:9 Referans Kwoze

Hechos 13:41

“Aiya awaiyic stojol ja'ex te jp'ajawalexe, xiwanic me soc ch'ayanic ta q'uinal, melel te jo'on ya jpas jchajp at'elil ta atojolic te ma xach'uunique. Ma ba ya xc'ot ta awo'tanic manchuc teme ay mach'a ya xcholbeyex awaiyic sc'oplale”, te xie —xi' ta yalel te Pabloe.

Jeremías 52:7

Jich yu'un, la slombeyic sts'ajc'ul te lume, manchuc me sjoytayejic te caldeoetique. Te muc' ajwalil soc spisil te soldadoetic yu'une loq'uic bael ta anel ta ajc'ubal. Tey loq'uic bael a ta yochibal te ay ta yolil xchebal te ts'ajq'uetique, ja' te bay sbelal bael te nichimaltic yu'un te muc' ajwalile. La st'unic bael sbelal te spamlej Jordán.

Jeremías 37:19

¿Banti ayic te j'alwanejetic te lec la yalbeyic sc'oplal te ma xtal yac'beyex guerra te muc' ajwalil yu'un Babilonia, ni te ja'exe, ni te jlumaltique?

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 19:16

Te bi c'aalil jich ya xc'ot ta pasele, te egipcioetic jich me ya xc'otic yilel te bit'il antsetique; ya me xnoj xiwel ta yo'tanic te c'alal ya yilic te ya sjach sc'ab ta stojolic te Cajwaltic te Spisil ya xju' yu'une.

Isaías 19:3

Ya me cac'bey xch'ay q'uinal yaiyic, ya cac'bey xch'ay te bila chapal yu'unique. Jich yu'un ya xba sjojc'obeyic te yajcananic, soc te mach'atic ayic ta abatinel yu'un te pucuje; ya xba sjojc'obey xch'ulelic te animaetic, soc te mach'atic ay bila ya sna'ic syoljoltayel ta sc'opique.

Salmos 102:4

te co'tan ma'yuquix yip ta jyalel, yac ta bacubel jichuc ac. Ma'yuquix bi ya sc'an co'tan; ma xmalix te jwe'ele.

2 Reyes 25:4

Ja' yu'un la slomic te sts'ajc'ul te lume. Jich loq'uic ta anel ta ajc'ubal te mach'a muc' ajwalil soc te soldadoetic yu'un, manchuc me joytabilic yu'un te caldeoetique. Tey loq'uic bael ta stojol te banti ay sti' ta yolil te cheb ts'ajq'uetique, ta be bael yu'un te ts'unbil nichimaltic yu'un ajwaliletic, ja' la st'unic bael te be baem ta spamlej yu'un Jordán.

Jeremías 48:41

Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Isaías 28:19

Te jujun buelta te ya xtale, ya me stasex bael. Ya me xtal ta jujun sab, ta jujun c'aal soc jujun ajc'ubal. Te bi ora ya awaiybeyic stojol sc'oplale, tic' ya xcajex ta nijq'uel yu'un a.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Jeremías 25:34

Awunanic, jcanan-chijetic, awunanic yu'un xc'uxul; ja'ex te ya xneelajex yu'un te jtsojp chijetic, balana abaic ta lum. Yu'un c'otix yorail te miltombae; te ja'exe jich ya smilex te bit'il jujp'en chijetique.