Jeremías 4:8 - Bible in Tzeltal de Oxchuc y Tenejapa

⁸ Jich yu'un, lapaic ch'ixal paq'uetic, oc'anic, soc ajc'anajanic yu'un xc'uxul mel-o'tan. “Melel te sc'ajc'al yilimba Cajwaltic te yac ta tilele, ma ba sq'uejoj bael ta jtojoltic”, xaex me ta yalel —xi' te Cajwaltique.

Bible in Tzeltal Bachajón

⁸ Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Jeremías 4:8 Referans Kwoze

Jeremías 6:26

Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Isaías 32:11

Ja'ex te jich nax ayexe, te ma'yuc lec ay sc'oplal ta awo'tanic, xiwanic me; ja'ex te awich'oj abaic ta muc' ya awaiyique, xiwuc me awo'tanic. Loq'uesaic te ac'u'ique, ja' xalapic te ch'ixal paq'uetic, ja' me señail sc'uxul te mel-o'tane.

Isaías 10:4

Teme ma x'awich'ic pejc'anel soc teme ma x'awich'ic chuquel baele, pajal ya xlajex bael soc te mach'atic ya yich'ic milele. Ja'uc me to, ma to xlamaj yilimba a te Cajwaltique; ya to xtoy xan bael ac'oplalic yu'un.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Amós 8:10

Te q'uinetic ya jc'atp'un ta oq'uel yu'un te animaetique; soc te c'ayoj ya jc'atp'un ta oq'uel ta swenta sna'el te animae. Ya me cac' te ya alapic ch'ixal pac'; soc ya me at'axan ta joxel ajolic ta seña xc'uxul mel-o'tan. Jich me oq'uel ya spasic yu'un te bit'il mach'a ch'ayem te jip jtul snich'ane; spisilic me ya xwoclajic yu'un xch'aal mel-o'tan —xi'.

Ezequiel 30:2

—Ja'at winic, c'opojan ta jwenta, jich xawal: “Jich ya yal te Cajwaltique: ‘Awunanic, yu'un te c'aal

Ezequiel 21:12

Ja'at winic, awunan, queletan ta aw. Melel chapalix, yu'un ya yich' milel te lum cu'un, ta spisilic te mach'atic yich'oj yat'elic ta Israel. Chapal te ya xlajic soc te lum cu'une, ja' yu'un majulaya awo'tan yu'un xc'uxul.

Jeremías 48:20

Moab peq'uelix, nojelix xiwel ta yo'tan. Oq'uetayaic yu'un xc'uxul. Pucbeyaic sc'oplal ta bay muc'ja' Arnón: te la yich'ix jinel te Moabe —xi' te Cajwaltique.

Jeremías 30:24

Te yilimba Cajwaltic ma xquejch'aj, ja' to teme ju' ta pasel yu'un te bila ay ta yo'tane. Te ja'exe ya me sta yorail te ya xc'ot ta awo'tanic te c'ope.

Isaías 13:6

Awunanic me ta apisilic yu'un xc'uxul te woclajel, melel nopolix sc'aalelal yu'un te Cajwaltique, xlumlej nax me ya xjul te Mach'a spisil ya xju' yu'une.

Isaías 9:21

Te Manasés ya sjin te Efraín, te Efraín ya sjin te Manasés; soc pajal ya xjajch'ic ta yilbeyel yo'tan te Judá. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 9:12

Ta sloq'uib c'aal tal te siriaetic, ta smalib c'aal tal te filisteoetique. Ta jun nax buelta la sbiq'uic te Israele. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un te Cajwaltique.

Salmos 78:49

Dios la sticun yilimba ta stojolic: ja' te sc'ajc'al yo'tane, te xc'uxul woclajel soc te castigoe jich c'oem ta stojolic te bit'il abatetic te ya xlajinwanique.

Números 25:4

jich la yalbey te Moisés: —Tsoba spisil te jtsobwanejetic yu'un te lume, milaic ta jtojol ta comonsitil. Jich me ya xlamaj te quilimba ta stojol Israel —xi'.

Lamentaciones 1:12

Ja'ex te ya xbeenex c'axel ta be, coma abaic ta yilel; ¿Ay bal mach'a pajal la awil soc te xc'uxul ya caiy te bayal ayon ta woclajel? Te Cajwaltic la sticunbon woclajel te c'alal til ta jtojol te yilimbae.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Jeremías 25:34

Awunanic, jcanan-chijetic, awunanic yu'un xc'uxul; ja'ex te ya xneelajex yu'un te jtsojp chijetic, balana abaic ta lum. Yu'un c'otix yorail te miltombae; te ja'exe jich ya smilex te bit'il jujp'en chijetique.

Miqueas 1:16

Te ja'at lum Sión, joxa loq'uel stsotsil ajol ta señail xc'uxul mel-o'tan ta scaj te anich'nabic te bayal c'ux ta awo'tane. Joxa loq'uel, t'axal ac'a jiluc jichuc sjol buitre-mut, melel te anich'nab ya me x'ic'otic bael ta mosoil —xi'.