Jeremías 4:7 - Bible in Tzeltal de Oxchuc y Tenejapa

⁷ Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Bible in Tzeltal Bachajón

⁷ Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 4:7 Referans Kwoze

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Isaías 1:7

Te alumale jochol taquin q'uinal jilel, yaquix ta tilel ta c'ajq'uel te lumetic awu'unique. Ta mero asit-awelawic te ja'exe ya swe'elinbat acontroic te bitic ats'unojique. Spisil c'atp'ujix jilel ta jochol taquin q'uinal, jich bit'il lum Sodoma te c'alal la yich' jinele.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Jeremías 26:9

¿Bi yu'un ya xjelawat ta yalel c'op ta swenta Cajwaltic ta templo? ¿Bi yu'un ya awal te jich me ya xjil te bit'il Silo te lume, soc te ya me yich' jinel soc ma'yuquix yajwal ya xjil, te xaate? —la yutic. Ta spisil lum la stsob sbaic tel ta templo, la sjoytayic te Jeremiase.

Jeremías 25:38

Jich loc' tel te bit'il león-choj ta bay xch'en; te slumalic c'atp'uj jilel ta jinem ts'ajq'uetic. Yu'un til jichuc c'ajc' te yilimba Cajwaltic, jich la sticun tel guerra te xiweltic nax sbae.

Isaías 5:9

Te Cajwaltic te Spisil ya xju' yu'une, yalojbonix ta jamal: —Bayal me naetic ya yich'ic jinel; manchuc teme muc' yutsilalic ta jyalel, xujt' ma'yuc yajwal ya xjil.

2 Reyes 24:1

Te c'alal ay ta muc' ajwalil a te Joacim, te Nabucodonosor muc' ajwalil yu'un Babilonia la yochintay te nacione. Te Joacim la yac' sba ta abatinel yu'un oxeb ja'wil. Patil yanaj yo'tan, la stoy sba ta stojol.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Jeremías 50:44

“Talon meix a te ya awilique, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te yajwal Babilonia, soc ya me cac' xmandalaj ta ajwalil te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Jeremías 27:8

Teme ay nacionetic o ajwaliletic, te ma xyac' sbaic ta yich'el yugo yu'un Nabucodonosor, ya cac'bey castigo ta guerra, wi'nal soc chamel te ya xmilawane, ja' to teme och ta sc'abe. Jo'on Ajwalilon, jich ya cal.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

2 Reyes 25:1

Ta baluneb ja'wil soc lajuneb u soc lajuneb c'aal yochel ta muc' ajwalil a te Sedequías, te muc' ajwalil Nabucodonosor bajt' ta stojol Jerusalén ta spisil soc soldadoetic yu'un. C'o sjoytay te lume swenta yu'un ma'yuc mach'a ya xloc' soc ma'yuc mach'a ya x'och tey a. Tey c'o xchajban scampamento ta banti mero stojol ay te lume. Ta sjoyobal la sbusanbeyic lum ta xch'ujt' sts'ajc'ul, yu'un smoibic ta yaq'uel guerra.

Jeremías 4:29

Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Jeremías 22:7

Ya jticun tel winiquetic, chapal ya xtalic soc yat'ejibic ta atojol, ja' me yat'elic te ya sjinate. Ya me sts'etic te t'ujbil oyetic, ja' te cedroetic, soc ya me yaq'uic ta c'ajc'.

Jeremías 44:2

—Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Ezequiel 12:20

Spisil te lumetic ay yajwal, ya me yich'ic lajinel. Te lumq'uinal ya me xc'atp'uj ta jochol taquin q'uinal. Jich me ya ana'ic te jo'on Ajwalilone’, xi' te Cajwaltic”, uta me —xi'.

Ezequiel 21:31

Ya me jt'omes bael quilimba ta atojol, jich me te bit'il tulan tocal mero xiweltic sbae. Ya me cac'at ta sc'ab te mach'atic mero j'uts'inwanejetic te jc'axel ya xlajinwanique.

Ezequiel 32:2

—C'ajintaybeya ta stojol faraón, muc' ajwalil yu'un Egipto, te c'ayoj swenta lajel in to: “Pajalat soc león-choj ta stojol nacionetic; jichat bit'il smuc'ul chanul ja': ya atijulay ta awacan te muc'ja'e, ya atatubtes, ya abulantes te yacan ja'e.

Levítico 26:31

Ya me jlajinbeyex te lumetic awu'unique, ya me jlajinbeyex te toyol ch'uunjibaletic awu'unic, soc ma me ba ya jmulanix te sbujts' perfume awu'unique.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 22:6

Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Jeremías 46:18

Te bit'il jo'on muc' ajwalilon, “Ajwalil te Spisil ya xju' cu'une”, xi' te jbiile. Jamal ya cal jo'on te cuxulone. Jich bit'il te Tabor, te jelawen moel yu'un spisil te witstiquile, soc jich bit'il te Carmelo, te toyol moel yu'un mar, jich me te contro ya xtale.