Jeremías 4:6 - Bible in Tzeltal de Oxchuc y Tenejapa

⁶ Toyaic te bandera, tojlinaic bael a te lum Sión; leaic anjibal, ma me x'acom abaic. Melel ya xba quic' tel ta bay norte te mero muc' te bila amen ya xjinwane.

Bible in Tzeltal Bachajón

⁶ ¡Toyahic te bandera ta stojol Sión, ahnanic, ma me xacom abahic! Como ya xbaht quic' tal ta stojol norte tulan wocol soc muc'ul jinel.

Jeremías 4:6 Referans Kwoze

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 51:27

“Ac'a chicnajuc bandera swenta guerra ta q'uinal; Oq'uesinaic oq'ues soc ac'a xchajban sbaic te nacionetic yu'un yaq'uel guerra te Babilonia. Jajch'anic nacionetic ta scontroinel, ja'at Ararat, Mini soc Askenaz. Tejc'anaic jtuluc mach'a ya xmandalaj yu'un guerra. Ac'a noptsajuc tel te caballoetique, jich bit'il te c'ajc'al c'ulubetique.

Jeremías 51:12

Ac'beya seña yu'un yorailix guerra ta sjoyobal sts'ajc'ul te Babilonia. Ac'beyaic yip yo'tanic te soldadoetique. Ac'aic j'il-q'uinaletic tey a. Ac'a ta yawilic te mach'a ya snac' sbaic ta maliywanej. Melel te Cajwaltic la xchajban soc la sc'otes ta pasel, ja' te chapal yu'un te la yalbey sc'oplal te yajwal Babilonia.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Jeremías 4:21

¿Jayeb xan ora ya quil toybil bandera, soc te ya caiybey xan stojol sc'op te oq'ues?

Isaías 62:10

Loc'anic bael ta ochibaletic yu'un te lume, chajbanaic be ta swenta te mach'atic ay cu'une. Lec me x'apamanic bael soc loq'uesaic te tonetique; tejc'anaic señail ta swenta yiq'uel te nacionetique.

Sofonías 1:10

Tulan ya yal te Cajwaltique: —Te bi c'aalil ya cale ya me x'aiyot stojol awetic yu'un sc'anel coltayel c'alal ta Ti'nail yu'un Chayetic. Ya me x'awunic te yajwal Xchebal Barrio, soc ay me xpumlajan nax sc'op te ya xjem coel te ch'in witsetique.

Jeremías 51:54

Ta Babilonia ya xchicnaj awetic yu'un te xc'uxule; ta slumal caldeoetic ya xtoy sc'op te jinele.

Jeremías 50:22

Ta bay lumq'uinal chicanix sc'op guerra, te muc'ul jinel ta jyalele.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Jeremías 22:7

Ya jticun tel winiquetic, chapal ya xtalic soc yat'ejibic ta atojol, ja' me yat'elic te ya sjinate. Ya me sts'etic te t'ujbil oyetic, ja' te cedroetic, soc ya me yaq'uic ta c'ajc'.

Zacarías 6:6

Te carreta nitbil yu'un ijc'al caballoetique ya xbajt' ta lumq'uinal ta stojol norte. Te nitbil ta saquil caballoetique, ya xbajt' ta lumq'uinal ta stojol smalib c'aal. Te nitbil yu'un caballoetic te sacsactic stsotsilique, ya xbajt' ta lumq'uinal ta stojol sur —xi'.

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Ezequiel 9:1

Patil la caiy buen tulan c'op. Awun ta xujc' jchiquin la caiy: —¡Ya xjuliquix te mach'atic ya yac'beyic castigo te lume, juju-jtul me yich'oj yat'ejibic ta sc'abic swenta lajinwanej! —xi'.

Ezequiel 9:2

La quil waqueb winiquetic yacalic ta ochel tel ta sti' smuc'ul yochibal te ay ta stojol norte, juju-jtul yich'ojic yat'ejib ta sc'abic. Ta yolilic yac ta talel jtul winic sc'u'inej saquil lino-pac', ay at'ejibaletic yu'un ts'ibajel ta xchujq'uil xch'ujt'. Ochic bael, c'o stejc'an sbaic ta nopol scajtijib ta chiq'uel majt'anil pasbil ta bronce.