Jeremías 4:30 - Bible in Tzeltal de Oxchuc y Tenejapa

³⁰ Ja'at lum, jinematix. ¿Bistuc ya alap t'ujbil c'u'iletic? ¿Bistuc ya ach'al aba ta oroetic? ¿Bistuc ya abon ta ijc'al pintura te asite? Ma xtuun ta jyalel te jelawen awutsil ya awac' abae, melel te mach'atic la smulanate, la xch'ojatix jilel. Te bila ya sleat xan yu'une, ja'ix te alajibe.

Bible in Tzeltal Bachajón

³⁰ Ha'at te jihmbilat, ¿bin yacat ta spasel? Aunque yac alap tsajal c'u'ul, aunque yac ach'al aba ta oro, aunque yac abon te asite, tojol yac ach'al aba, como ya sp'ajat te mach'atic smulanejat, ya slehbat acuxlejal.

Jeremías 4:30 Referans Kwoze

2 Reyes 9:30

Te Jehú bajt' ta Jezreel. C'alal la yaiy te Jezabel, la sbon ta ch'alel ta ijc'al tinta sjoyobal te jujun site, soc la xch'al te sjole. Patil la sjelan loq'uel sjol ta ventana.

Lamentaciones 1:19

La jc'anbey coltayel te mach'atic la smulanonique; ja'uc me to, ja' nax la slo'layonic. Te sacerdoteetic soc te jtsobwanej-mamaletic cu'une, lajic ta yutil lum, yacalic ta sleel swe'elic swenta yu'un ya xcuxinic.

Lamentaciones 1:2

Ma xcom ta oq'uel jujun ajc'ubal; xbalet nax ya'lel sit ta yelaw. Ma'yuc jtuluc te mach'atic la smulan ta sbabial te ya xmuc'tesbot q'uinal yaiy yu'une. Spisilic te sjo'taque, chebaj yo'tanic ta stojol, te c'atp'ujic ta scontrotac.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Ezequiel 28:13

Ayat ta Edén a, ja' te nichimaltic yu'un te Diose, ch'albilat ta spisil ta jchajp buen t'ujbil tonetic: tsajal rubí, c'an yaxal crisólito, yaxal jade, c'anal topacio, tsajal cornalina, jaspe te yanyan yilele, ijc'al zafiro, yaxal granate soc yaxal esmeralda tonetic. Te ch'alilaletic awu'un soc te staq'uinal chiquiniletic awu'un oro pasbil a, ja' to la yich' chajbanel a te bi c'aalil la awich' pasele.

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Isaías 20:6

Jich me sc'aalelal te ya yalic te mach'atic nainemic ta ti'mar: “Ilawilic bila tal ta stojol te mach'a smuc'ulinej co'tantique, ja' te la jc'anulabeytic coltayele, swenta yu'un ya scoltayotic ta sc'ab te muc' ajwalil yu'un Asiria. Ja' yu'un ta ora to, ¿bit'il ya xcolotic yo'tic?” xiic me yu'un —xi' te Cajwaltique.

Apocalipsis 17:13

Te lajuntul muc' ajwaliletique jun nax te bila snopojique. Ja' ya yajwalinic stuquel te muc'ul chambalam te xi'bantic sbae soc ya me xch'uunbeyic te smandale.

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

Ezequiel 28:9

¿Ya to bal acuy aba ta dios a te c'alal ayatix ta stojol te acontrotaque? Ya me xchicnaj te tojol winicat c'alal ayat ta sc'ab te mach'atic ya smilate.

Lamentaciones 4:17

Lubenic te jsitique, tojol la cat'elintic smaliyel coltayel. Tojol chapalotic ta smaliyel te jpam lum te ma xju' yu'un coltaywaneje.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Proverbios 6:25

Ma me xawac' slo'laybat awo'tan te st'ujbilale; ma me xawac' stsalat te sit-yelawe.

Proverbios 7:10

Ora nax loc' tel ta tael yu'un te antse, buen xch'aloj sba jich te bit'il jmulawil ants.

Jeremías 22:23

Ta ora to jun nax awo'tan ta apechech ta yolilal te cedroetic ich'bilic tel ta Líbano; ja'uc me to, ya awaiybey swocolil te c'alal ya xtal te xc'uxule, jich xc'uxulil bit'il ya x'alaj ants —xi' te Cajwaltique.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Abdías 1:7

Spisil te mach'atic te jun awo'tan soque, la slo'layat; la sloq'uesat bael ta mero aq'uinal. Manchuc me mero ajoy aba soc, la yac' sbaic ta scontroinbelat. Te ajo'tac te smuc'ulinej awo'tane, la spasbat ayaquil. ¡Obol aba, Edom! Ma'yuc sp'ijil awo'tan —xi'.