Jeremías 4:29 - Bible in Tzeltal de Oxchuc y Tenejapa

²⁹ Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Bible in Tzeltal Bachajón

²⁹ Ta scuenta yawic te mach'atic mohemic ta cawu soc te mach'atic ya yaq'uic t'ihmalte', spisil te pueblohetic ya xloq'uic ta ahnel; ya snac' sbahic ta pimil q'uinal, ya xmohic bahel ta toyol tontiquil; spisil te pueblohetic ihquitayotic hilel, mayuc mach'a ya xnahin tey a.

Jeremías 4:29 Referans Kwoze

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

San Lucas 23:30

Jich me ya xjajch' yawtayic te witstiquile: “Net'awotic”, xiic me. Soc jich me ya yalbeyic te ch'in witsetique: “Mucawotic”, ya me yutic.

Amós 9:1

La quil te Cajwaltic te ay ta sts'eel te scajtijib majt'anile, soc jich la yalbon: —Yuq'uilaya ta majel te yoyal na ja' to me c'alal ya xnijc' te yiptajibe; ac'a wuyuc coel tel ta sba te ants-winiquetique. Te mach'atic cuxul ya xjilic, ya me jmil ta puñal; manchuc me ya x'anic bael ta sc'opic, ni jtuluc ya xcol.

Jeremías 52:7

Jich yu'un, la slombeyic sts'ajc'ul te lume, manchuc me sjoytayejic te caldeoetique. Te muc' ajwalil soc spisil te soldadoetic yu'une loq'uic bael ta anel ta ajc'ubal. Tey loq'uic bael a ta yochibal te ay ta yolil xchebal te ts'ajq'uetique, ja' te bay sbelal bael te nichimaltic yu'un te muc' ajwalile. La st'unic bael sbelal te spamlej Jordán.

Isaías 30:17

Jmil ta jtul ya x'anex bael ta swenta jtul nax winic te ya xiwtesexe, soc apisilic ya x'anex bael ta swenta jo'tul nax winiquetic, ja' to me chican jteb xanix ya xjilex jich bit'il te' ya xjil ta sba wits, o jich bit'il bandera teq'uel ya xjil ta bujul wits.

2 Crónicas 33:11

Ja' swentail te la yic' tel Cajwaltic te jtsobwanejetic yu'un te bayal soldadoetic yu'un te muc' ajwalil ta Asiria. La xchuquic bael te Manasés ta ch'ix taq'uin soc cadenaetic pasbilic ta bronce, la yiq'uic bael ta Babilonia.

1 Samuel 13:6

Te israeletic jajch'ic ta buen wocol yu'un te c'alal tenotic yu'un te filisteoetique. La snac' sbaic ta ch'entiquil, ta lom ch'entiquil, ta nailch'entiquil, ta beja' ch'entiquil soc ta pozoetic.

Isaías 6:12

Te Cajwaltic ya me sticun bael ta yan q'uinal te ants-winiquetique; te slumalic jochol me ya xjil ta jc'axel.

Jeremías 6:23

Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.