Biblia Todo Logo
Bib sou entènèt

- Piblisite -




Jeremías 4:27 - Bible in Tzeltal de Oxchuc y Tenejapa

27 Te Cajwaltic jich ya yal: —Te lumq'uinale jochol ya xc'ot; ja'uc me to, ma ba ya jin ta jc'axel.

Gade chapit la Kopi

Bible in Tzeltal Bachajón

27 Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Gade chapit la Kopi




Jeremías 4:27
29 Referans Kwoze  

Jo'on Ajwalilon, jich ya cal: Ma xiwat, lum Jacob, abat cu'un, melel joinejat. Ya jin spisil te nacionetique, ja'ic me te bay la jpuquex baele. Yan te ja'ate ma ba ya jinat; ja' nax ya awich' tojtesel cu'un jich bit'il ya sc'an te awat'ele. Ma me jichuc nax ya quijq'uitayat jilel, puersa ya cac'bat castigo —xi' te Cajwaltique.


Te Cajwaltic jich ya yal: —Te bi c'aalil te ya cale, ma ba ya jin ta jc'axel.


Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.


Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.


Te c'alal yacon ta yalel ta stojolic a te bila la yalbon te Cajwaltique, t'uxaj bael te Pelatías te snich'an Benaías, toj lajel. La jtinan jba coel c'alal ta lum, awunon ta tulan, jich la cal: —¡Ay, Cajwal! ¿Ya bal alajin jiche te jteb xan israeletic jileme? —xoon ta aw.


“Manchuc me jich ya jpasbeyex, soc manchuc me ayex ta slum-sq'uinal acontroic, pero ma ba ya quilayex soc ma ba ya jch'ayex. Ma ba ya jlajinex soc ma me xch'ay cu'un te trato chapal cu'un soc te antiguo ame'-atatique, melel jo'on te Ajwalilon te Dioson awu'unique.


Te lumq'uinal jochol me ya xjil cu'un soc jinem ya xjil. Ya me jlajinbey te yip te mero stoyoj sba yu'une. Te witsetic yu'un Israel jochol taquin q'uinal me ya xjilic, ma me ayuc mach'a ya xc'ax xan ta witsetic.


Ya me jtoy jc'ab ta yaq'uel castigo ta stojolic, ya xjajch' ta jochol taquin q'uinal ta sur, ya xc'ot c'alal ta lum Ribla ta stojol norte. Ja' me te slum-sq'uinalic soc spisil te banti nainemic, ya me jc'atp'unbeyic ta jochol taquin q'uinal te mero xiweltic sbae. Ja' me yorail ya sna'onic a te jo'on Ajwalilon te jich ya jpase”, uta me —xi' te Cajwaltique.


Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.


Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.


Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.


Aiya awaiy stojol, te Cajwaltic jochol me ya yijq'uitay jilel te lumq'uinale, ya me sjin jilel, soc sojc'oltic nax me ya yijq'uitay jilel, soc ya me spuc bael te ants-winiquetique.


swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.


Ja'uc me to, ta swenta te xc'uxul awo'tane, ma ba jc'axel la alajin, soc ma ba la apijt'es; melel ja'at, Diosat te mero bayal te yutsil awo'tan soc te xc'uxul awo'tane.


Spisil ora yac ta alel tulan woclajel; spamal lum jinemix. Ora nax la sjinbonic te jcampamentoetic cu'une, la xch'i'boniquix te nailpaq'uetique.


“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.


Spisil te lum ya xjin jilel, ya xc'atp'uj ta jinem ts'ajq'uetic. Lajuneb me xchanwinic (70) ja'wil ja' in nacionetic to ya me yac' sbaic ta xch'uunel smandal te muc' ajwalil yu'un Babilonia.


Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.


Pero tal xc'uxul ta co'tan, jich ma ba la jlajin ta jc'axel ta jochol taquin q'uinal.


Ya me jlajinbeyex te lumetic awu'unique, ya me jlajinbeyex te toyol ch'uunjibaletic awu'unic, soc ma me ba ya jmulanix te sbujts' perfume awu'unique.


te bay ay to ya xch'ay jilele; o jich bit'il c'alal ya yich' majel ta te' te ste'el olivo, te ja' xanix cheb oxeb sit ya xjil ta sc'abc'abe, o teme ja' xanix ya xjil ta sni'il sc'abe, chaneb o jo'eb —xi'. Jich ya yal ta jamal te Cajwaltic te Dios yu'un Israel.


Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.


Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.


Swiv nou:

Piblisite


Piblisite