Jeremías 4:24 - Bible in Tzeltal de Oxchuc y Tenejapa

²⁴ La quil te witstiquile, yacalic ta nijq'uel; spisilic te ch'in witstiquile nijq'uic.

Bible in Tzeltal Bachajón

²⁴ La jquil te witsiltic, yacalic ta nihquel; spisil te tsehletic xyuq'uinaj ta nihquel.

Jeremías 4:24 Referans Kwoze

Ezequiel 38:20

Te chayetic ta mar, te mutetic ta toyol, te jti'awal chambalametic, soc te bitic staslajan ya xbeenic ta lume, ya me xnijq'uic yu'un xiwel ta jtojol, soc ja' ni me jich te ants-winiquetic ta balumilale. Te witstiquil ya me xlaj ta jemts'ujel, te tonetic ya me xyalic coel, spisil me te joyob ts'ajq'uetic ya me xyalic coel ta lum.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Miqueas 1:4

Ta yet'al yacan ya x'ulub coel te witstiquil, jich bit'il chabec' te ya slac' te c'ajq'ue. Soc ya me xjat bael te q'uinale, cha'jat ya xc'ot, jich bit'il ya xjat bael lum yu'un yip snojel ja'.

Salmos 97:4

Te tsantsewaletic yu'un, ya sacubtes balumilal; te c'alal ya yil te balumilale, ya xnijc' yu'un.

Salmos 18:7

Jich a tal tulan nijq'uel ta balumilal: te witstiquil nijq'uic c'alal ta snactijibic; yuq'uilayot yu'un yilimba te Cajwaltique.

1 Reyes 19:11

Te Cajwaltic jich albot yu'un: —Loc'an tel ta fuera, tey xatejc'an aba ta jtojol, ta sba te witse —xi' sc'oplal. Ja' nix yorail a c'ax te Cajwaltique. Tal mero tulan ic' soc buen tulan yip te la swuy te witstiquile soc wuy te tonetic ta stojol Cajwaltic, pero te Cajwaltic ma ba tey ay a ta iq'ue. C'alal c'axix a te iq'ue, tal nijq'uel, pero ja' nix jich ma ba tey ay a te Cajwaltic ta nijq'uele.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Habacuc 3:6

Te lumq'uinal ya xnijc' te c'alal ya xcom ta beele; ya xcajic ta nijq'uel te nacionetic te c'alal ya x'ilot yu'une. Te muc'ul witsetic ya xjemic coel; ya xch'ayic bael te antiguo witsetique. Yan te beetic yu'un Dios sbajt'el q'uinal ayic stuquel.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Salmos 77:18

Chicnaj sc'op chawuquetic awu'un ta sutu-ic'; te tsantsewaletic sacub balumilal yu'un; jich uuc te lumq'uinal yuq'uilayot yu'un nijq'uel.

Apocalipsis 6:14

Te ch'ulchane ch'ay bael ta jsit jich bit'il ora nax ya yich' balel te june. Jeltaybot yawilic spisil te witstiquile soc te ch'in sejbelsejp q'uinaletic te joytaybilic ta mare.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Isaías 13:13

Jich yu'un te ch'ulchan ya me xnijc', te balumilal ya me stij sba ta yawil. Ja' me jich ya xc'ot ta pasel yu'un te quilimba te bi c'aalil ya cale, ta swenta te bit'il yac ta tilel sc'ajc'al te co'tane.

Isaías 24:20

Jich me ya xnijc' balumilal te bit'il ya xnijc' te jyacubele, jich me ya xnijc' te bit'il xlechunaj ch'in lejch'patna. Bayal me ya yaiybey yalal te smule, ya me xyal coel yu'un, ma xju'ix ya xjajch' xan.