Jeremías 4:23 - Bible in Tzeltal de Oxchuc y Tenejapa

²³ Ac'boton quil te balumilale, jochol taquin q'uinal yilel, jich nax ay; la quil moel te ch'ulchane, ma'yuc luz tey a.

Bible in Tzeltal Bachajón

²³ La jquil te lumq'uinal, jihnem soc jochol; la jquil te ch'ulchan, mayuc sacal q'uinal yu'un.

Jeremías 4:23 Referans Kwoze

San Mateo 24:29

“Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

Isaías 13:10

Te eq'uetic soc te tsojboltsojp eq'uetic ta ch'ulchan ma me xyaq'uix xojobilic; ya me x'ijc'ub te c'aal te c'alal ya xloq'ue, te u ma xyaq'uix xojobil.

Génesis 1:2

Te balumilal jich nax ay, ma chajbanbiluc, spamal ay ta ijc' q'uinal te ja'e. Te espíritu yu'un te Diose xlichichet ta ba ja'.

Amós 8:9

Jamal ya yal te Cajwaltique: —Te c'alal ya sta yorail, ya me x'ijc'ub q'uinal ta olil c'aal, ta c'aaleltic ya cac' x'ijc'ub q'uinal ta balumilal.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Isaías 5:30

Te nación ya cale, te c'alal ya xc'ot sc'aalelal a, jich me ya x'awun ta stojol Israel jich bit'il ya x'awun te mar. Teme ay mach'a ya yil te balumilale, ya me yil te potsbil ta ijc' q'uinal, ijc'ubenix q'uinal yu'un te pimil tocale.

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 2:12

Ch'ulchan, xiwan me yu'un, nijc'an me yu'un xc'uxul te xiwele. Jo'on Ajwalilon jich ya cal.

Lamentaciones 3:2

La yic'on bael ta yijc'al q'uinal; la yac'on ta beel ta beetic ta bay ma sacuc q'uinal.

Zacarías 14:6

Te c'alal ya sta sc'aalelal ma me ayuc sic soc ni ayuc toib a.