Jeremías 4:22 - Bible in Tzeltal de Oxchuc y Tenejapa

²² Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Bible in Tzeltal Bachajón

²² Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 4:22 Referans Kwoze

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Romanos 16:19

Ta apisilic pujq'uemix ac'oplalic te bit'il jun awo'tan ach'uunejic te sc'op Diose, jich bin nax co'tan awu'unic. Soc ya jc'an te ay sp'ijil awo'tanic ta spasel te bila leque; ja' ma jc'an teme ja' ay sp'ijil awo'tanic ta spasel te bila amene.

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

Romanos 3:11

Jtul ma'yuc mach'a c'oem ta yo'tan. Jtul ma'yuc mach'a ya sle te Diose.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Romanos 1:22

Ya yalic te p'ij yo'tanic ta sc'opique, ja'uc me to, bol te yo'tanique.

Oseas 5:4

Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Miqueas 2:1

Ya me yil swocolic te mach'atic ayic ta swayibic te ya snopilay ta yo'tanic te muliletique. Te c'alal ya sacub q'uinal, ya xc'ot ta pasel yu'unic, melel ay yipic ta spasel.

Deuteronomio 32:28

Te lum Israel soquem sjol; ma ba ya sna'ix q'uinal.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Jeremías 13:23

¿Ya bal xju' yu'un ya sacubtes sba te ijc'al winique? ¿Ya bal xju' ya xch'aytes spintoil te leopardo-choje? Ja' nix jich te ja'exe, awat'elinejic spasel te bila amene, ma xju'ix awu'unic spasel te bila leque.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Jeremías 5:4

La cal ta co'tan: “Ja' nax te me'baetic te amen ta jyalel te yat'elique, melel ma sna'ic stuquelic te bila ya sc'an yo'tan te Cajwaltique, te bila mandal yu'un te Diose.

San Lucas 16:8

“C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Deuteronomio 32:6

¿Jich bal ya sc'an tojel awu'unic te Cajwaltique? Jbol-o'tan lum, te ma'yuc sp'ijil awo'tanic, ¿ma bal ja'uc atatic jiche, ma bal ja'uc jpaswanej awu'unic? ¡Ja' la spasex, soc la yac'beyex acuxlejalic!

2 Samuel 13:3

Pero te Amnón ay jtul te mach'a jun yo'tan sba soque te mero ay sp'ijil, Jonadab snich'an Simea, ja' nix sbanquil te David.

Salmos 36:3

Bol c'op soc pas-lot ay ta yo'tan, la xch'ay ta pasel te bila toje, la yijq'uitay ta pasel te bay leque.

Salmos 53:4

Ma'yuc sp'ijil yo'tanic te mach'atic amen yat'elique, ja'ic te ya swe'bonic te lum cu'une; jich ya slajinbonic te bit'il mach'a ya swe' waj, ja'ic te ma xyalbeyic wocol te Diose.

Salmos 82:5

“Pero te ja'exe ma x'ana'ic, ma xc'ot ta awo'tanic; melel yacalex ta beel ta ijc' q'uinal. Ac'a nijc'uc te yiptajib te lumq'uinale.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 4:21

¿Jayeb xan ora ya quil toybil bandera, soc te ya caiybey xan stojol sc'op te oq'ues?

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Ezequiel 16:30

Jo'on Ajwalilon te jich ya cale: Mero boloben awo'tan ta jtojol a te la apasbey te yat'el jmulawil ants, te ma ba q'uexawat ta spasele.

Amós 3:10

Te Cajwaltic ya yal: —Ma sna'ic te toj ya x'at'ejique; ya scanantayic ta muc'ul naetic yu'unic te bila la yelc'anic tel ta swenta uts'inwanej —xi'.

Génesis 39:16

Jich yu'un la sq'uejbey te sc'u'e, ja' to c'alal jul tel te smamlale.

Salmos 36:4

Metsel ta wayel a, ya snop ta yo'tan spasel te bila amene; stsacoj ta jyalel te amen be, ma sc'an yijq'uitay ta yo'tan te bila amene.

Proverbios 28:5

Te mach'atic amen yo'tanic, ma xc'ot ta yo'tanic xujt'uc te bila toj ta pasele; yan te mach'atic ya sleic te Cajwaltique, ya xc'ot ta yo'tanic spisil.

Jeremías 9:2

Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.