Jeremías 4:17 - Bible in Tzeltal de Oxchuc y Tenejapa

¹⁷ Ya sjoytayic Judá, jich bit'il mach'atic ya scanantayic te c'altique, scaj te la stoy sba ta stojol te Cajwaltique”, xi' me. Jo'on Ajwalilon te jich ya cale.

Bible in Tzeltal Bachajón

¹⁷ Ha ya sjoytayic hich te bin ut'il mach'atic ya scanantayic q'uinal, como la stoy sba ta jtojol, xchi te Jehová.

Jeremías 4:17 Referans Kwoze

Jeremías 5:23

Te ja'exe tulan te awo'tanic soc toyba-o'tanex; la awijq'uitayonic ta awo'tanic, jich baex.

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Lamentaciones 1:8

Jerusalén bayal sleoj smul, te ja' ac'otix ta ilayel yu'une. Te mach'atic neel la yich'ic ta muc', ta ora yo'tic ya yilayiquix, melel la yilbeyic te chican sbaq'uetal c'oem. Jich yu'un yac ta oq'uel te Jerusalén, ya xq'uexawix jichuc ants, ya snac' sba yu'un.

Isaías 30:9

Ja' in ants-winiquetic to ja' te lum te toybae, te ma junuc yo'tan, te ma sc'an xyaiyic stojol te p'ijubtesel yu'un te Cajwaltique.

Isaías 1:8

Ja' nax sepel jilel stuquel te lum Sión, jich jil te bit'il ch'in lejch'patna ta yolilal te ts'usubiltique, stuquel jil jichuc na ta yolilal ta bay ts'unul melonetic, stuquel sepel jilel jichuc jpam lum te joytaybil yu'un yajcontro.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Deuteronomio 9:24

¡Ja' to te c'alal la jna'beyex abaique, spisil ora tulan awac'oj abaic ta stojol te Cajwaltique!

Jeremías 52:4

Ta slajunebal c'aal sjajch'el a te slajunebal u, ta sbalunebal ja'wil yat'el ta ajwalil a te Sedequías, te muc' ajwalil Nabucodonosor talic soc spisil soldadoetic yu'un ta Jerusalén. La sjoytayic, la spuc sbaic ta sjoyobal. La sbut'ic moel lum ta pat sts'ajc', swenta yu'un ya yac'beyic guerra.