Jeremías 4:16 - Bible in Tzeltal de Oxchuc y Tenejapa

¹⁶ “Jultesbeya yo'tanic te nacionetic soc Jerusalén te ay lum, c'ubul ay, te banti ya xtal te controetique; ya stoyesic yawic yu'un guerra ta yilbeyel yo'tanic te lumetic yu'un Judá.

Bible in Tzeltal Bachajón

¹⁶ Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Jeremías 4:16 Referans Kwoze

Ezequiel 21:22

Ta swa'elc'ab loc' te yat'ejibalul t'imalte' te ya yac' ta na'el te ja' tsabil c'ot te Jerusalén, soc te ya spas na'el te ya yich' ac'beyel guerra soc at'ejibaletic yu'un yochintayel, soc te ya yac' mandal te ya xjajch' miltomba: “¡Guerra!”, xiic me ta aw. Ya me stop'beyic sti' te lume, ya me sjachic spasel smoibalul te sts'ajc'ule, soc ya me sjoyintayic ta jc'axel.

Jeremías 5:15

Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Isaías 39:3

Jich yu'un bajt' te j'alwanej Isaías, ba yil te muc' ajwalil Ezequías, soc la sjojc'obey: —¿Banti talemic te winiquetique, soc bila la yalbat? —la yut. Te Ezequías la sjac': —Talemic ta c'ubul q'uinal ta yan lum, jajch'emic tel ta Babilonia —xi'.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 39:1

Ta slajunebal u yu'un a te sbalunebal ja'wil yat'el ta ajwalil te Sedequías ta Judá, te Nabucodonosor muc' ajwalil yu'un Babilonia been tel spisil soc te soldadoetic yu'une, tal yac'bey guerra te Jerusalén, la sjoytayic ta jyalel.

Jeremías 31:10

“Nacionetic, aiybeya awaiyic sc'op te Cajwaltique; soc albeyaic sc'oplal ta c'ubul ta bay sti'il mar: “Te Cajwaltic la spuc bael Israel; ja'uc me to, ya me stsob soc ya me scanantay jich bit'il ya scanantay chijetic te jcanan-chije”, xaex me.

Jeremías 16:6

Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

Jeremías 6:18

Ja' yu'un jich ya yal te Cajwaltique: —Aiya awaiyic stojol, nacionetic, c'otuc ta awo'tanic te bila ya xc'ot ta pasel ta stojol te lum cu'une.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Jeremías 4:17

Ya sjoytayic Judá, jich bit'il mach'atic ya scanantayic te c'altique, scaj te la stoy sba ta stojol te Cajwaltique”, xi' me. Jo'on Ajwalilon te jich ya cale.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Isaías 34:1

Noptsajanic tel, lumetic, aiya awaiyic stojol; nacionetic, aiya awaiyic stojol. Ac'a yaiy stojol te lumq'uinal soc bitic ay tey a, te balumilal soc spisil te bitic ya yaq'ue.

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 6:23

Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.