Jeremías 4:14 - Bible in Tzeltal de Oxchuc y Tenejapa

¹⁴ Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Bible in Tzeltal Bachajón

¹⁴ Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Jeremías 4:14 Referans Kwoze

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.

Hechos 8:22

Sujt'esa awo'tan ta stojol Dios yu'un te bila amen ay ta awo'tane. Albeya wocol Dios te yacuc spasbat perdón yu'un te bila anopoj ta awo'tane.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

1 Corintios 3:20

Soc jich ts'ibubil jilel xan: “Te Cajwaltique ya sna' te xujt' ma'yuc swentail te bila snopojic te mach'atic p'ijique”, te xie.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

San Lucas 11:39

Te Cajwaltic jich la yalbey: —Te ja'ex fariseoetic, ja' nax ya asapbeyic spat te vasoe soc te platoe, ja'uc me to, nojel ta awo'tanic elec' soc mulil.

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Salmos 66:18

Te ayuc bila amen jnopoj ta co'tane, te Cajwaltic ma ba la yaiybon jc'op te jichuque;

San Mateo 12:33

“Teme lec te te'e, lec te sit ya yaq'ue. Yan teme amen te te'e, amen sit ya yac' stuquel. Melel te te'e ya jna'beytic sba ta swenta te site.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Salmos 119:113

Ya quilay te ants-winiquetic te cheb yo'tanic; pero ja' c'ux ta co'tan te p'ijubtesel awu'une.

Salmos 51:2

Pocbon loq'uel te bila amen jpasoje; pasbon ta sac te co'tane.

Jeremías 2:22

Manchuc teme ya apoc aba ta ya'lel tan, o teme ya atuuntes spisil xapon te bay c'alal ya sc'an awo'tane, pero ta jtojol ja' nix jich bolobenat ya quil yu'un te amule. Jo'on Ajwalilon, jich ya cal.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Jeremías 17:1

“Judá, te amule ts'ibubil ta cincel-taq'uin, ch'ojch'onbil ta ts'ibuyel ta sni' stulanil diamante, ts'ibubil ta awo'tan jichuc pejch'el ton, ts'ibubil ta xulubil scajtijib majt'aniletic.

Zacarías 8:17

Ma me talel c'axeluc xalebey aba awocolic. “Melel te bila ya cal”, ma me xauquex, teme ma meleluc. Melel te jo'on quilayej spisil. Jo'on Ajwalilon te jich ya cale —xi' te Cajwaltique.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

San Juan 13:9

Te Simón Pedro la yal: —Cajwal, ma me ja'uc nax ya apocbon te cacane, ya me apocbon jc'ab soc jol —xi'.