Jeremías 4:13 - Bible in Tzeltal de Oxchuc y Tenejapa

¹³ Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Bible in Tzeltal Bachajón

¹³ Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Jeremías 4:13 Referans Kwoze

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Isaías 66:15

Melel te Cajwaltic, soc bayal c'ajc' ya xtal; te carretaetic yu'une, sutu-ic' me yilel. Ya me xtil tel sc'aal te yilimbae; soc xpulpun me ta tilel sc'aal te castigo yu'une.

Habacuc 1:8

Te scaballoic c'axem jich ya x'animajic a te bit'il leopardo-choj, c'axem jich yixtaelic a te bit'il ja'mal ts'i'etic yu'un jochol taquin q'uinal. Te mach'a cajajtic ta spat caballo jchajp ya x'animajic soc a, bayal yajtalul ta jyalel, soc c'ubul to ya xwilic tel ta sjajch'esel guerra. Jich c'oemic te bit'il jxic te ya xwil bael ta stojol te bila ya stsaque.

Lamentaciones 4:19

C'ax jich ya x'animajic te bit'il áquila ta ch'ulchan te jnutswanej cu'untique; ya snutsotic ta witstiquil, ya yac'botic yaquiltic ta bay jochol taquin q'uinal.

Isaías 5:28

Te yat'ejibal st'imique, jayic nax ta lec, soc buen nitil ta lec te st'imique. Te yejq'uechul yacan scaballoique, jich bit'il tulanil tonetic, soc jich bit'il sutu-ic' yilel te yacan te carretaetique.

Nahúm 1:3

Te Cajwaltic sts'icojbey to te smule; ja'uc me to, muc' te yu'ele. Ma xch'aybey castigo ta stojol te mach'a ay smule. Te Cajwaltic ya scajtijibin ta beel te tulan iq'ue; te tocaletic jich c'oem te bit'il tan te ya xwil te c'alal ya xbeene.

Isaías 13:5

Talemic ta c'ubul, ja' to ta bay comen sti'il te ch'ulchan. Ja' te Cajwaltique, yich'oj spisil at'ejibaletic yu'un te yilimba, te ya xtal sjin spisil te q'uinale.

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.

Oseas 8:1

“Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Jeremías 10:19

Te nación ya yal: —Obol jba, te jinemonix ya caiye; te ejch'enetic cu'un ma xju'ix ta poxtayel. La cal ta co'tan te ya xcujch' cu'un ta jc'op te xc'uxule.

2 Samuel 1:23

“Saúl soc Jonatán, te c'uxic ta o'tanil soc te mulanbil, ma ba la spit sbaic te c'alal cuxul, ni ja'uc la spit sbaic te c'alal lajiquix a. C'ax jich beenic a te bit'il swilel águilaetic, c'ax jich yipic te bit'il león-chojetique.

Isaías 3:8

Ta smelelil ya xjin te Jerusalén, soc te Judá ya xjin jilel. Melel tey yaquic ta yalel soc ta spasel te bitic ya scontroinic a te Cajwaltique, ja' te bitic ya sbolc'optayic a te smuc'ul yat'ele.

Jeremías 4:12

te ic' ya cac' tel jtuquel, c'axem to xan me tulan yu'un a. Ta ora yo'tic ya me cal loq'uel ta que te woclajel ya xc'ot ta stojolique —xi' te Cajwaltique.

Jeremías 9:19

C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Jeremías 49:22

Te contro ya me xwilic bael ta stojol Bosra, jich bit'il águila te slich'oj xiq'ue. Te bi c'aalile, te soldadoetic yu'un Edom ya me xnijq'uic jich bit'il ya x'alaj ants —xi'.

Ezequiel 26:10

Te c'alal ya x'och bael ta ti'naetic awu'un te muc' ajwalil yu'un Babilonia, xbuquet me ya x'ochic bael teme lom yu'unic te ats'ajc'ule. Mero bayal me te caballoetic yu'une, ya me smucat ta stanul yacanic te ya stijic jajch'ele. Ta swenta stulanil sc'op te carretaetic, soc ta swenta sc'op te yacan caballoetic yu'une, ya me stij sba te joyob ts'ajq'uetic awu'une.

Ezequiel 38:9

Jich me ya xc'oat te bit'il pimil tocale, ya me xc'o apots te lumq'uinale. Ya awac'bey guerra, jich ya xc'oat bit'il tulan yic'al ja'al, ta apisilic soc te soldadoetic awu'une, soc te lumetic ajoineje’, xi' te Cajwaltic”, uta me.

Daniel 11:40

“C'alal ya xc'ot yorail te slajibale, te muc' ajwalil ta sur ya me xba yac'bey guerra te muc' ajwalil ta norte. Pero ya me xloc' tel ta stojol jichuc chawuquil ja'al, spisil me yip ya xbajt' ta stojol te muc' ajwalil ta sur. Ya me snojes spisil q'uinal ta carretaetic yu'un guerra, soldadoetic moemic ta caballo, soc bayal barcoetic.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Jeremías 6:23

Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Jeremías 46:18

Te bit'il jo'on muc' ajwalilon, “Ajwalil te Spisil ya xju' cu'une”, xi' te jbiile. Jamal ya cal jo'on te cuxulone. Jich bit'il te Tabor, te jelawen moel yu'un spisil te witstiquile, soc jich bit'il te Carmelo, te toyol moel yu'un mar, jich me te contro ya xtale.

Jeremías 48:40

Te Cajwaltic ya yal: —Te scontro Moab yacal ta wilel tel ta stojol, jichuc muc'ul águila yilel te slich'oj xiq'ue.

Zacarías 6:1

Ay bila yan la quil yilel. La quil ta yolil cheb witsetic chaneb carretaetic yu'un guerra pasbil ta bronce.