Jeremías 4:11 - Bible in Tzeltal de Oxchuc y Tenejapa

¹¹ Te Cajwaltic ya yal: —Te bi ora te jich ya xc'ote, jich ya x'albot te lum Jerusalén: “Q'uixin ic' ya xtal ta jochol taquin q'uinal, stojlinej ya xtal ta stojol te lume”, xi' me. Ma me ja'uc te c'unil ic' te ya xtuun ta swenta sloq'uesel spat trigo;

Bible in Tzeltal Bachajón

¹¹ Ta hich ora hich ya xhalbot te pueblo ini soc Jerusalén: Ya xtal ta stojol te pueblo cu'un q'uixin ic' te ya xloc' tal ta toyol jochol taquin q'uinal, ma ha'uc yu'un ya sten bahel spat trigo o ya yic'ay;

Jeremías 4:11 Referans Kwoze

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Ezequiel 17:10

Manchuc me ya xcha'ts'un xan, pero ma ba ya xpulinix; ya me xjujch'iyot yu'un te ic' ya xtal ta stojol sloq'uib c'aale, ja' me ya xc'ot ta lajinel yu'un; tey me ya xtaquej a te banti sc'oplal ya xpuline’, xi' me”, uta me —xi'.

San Lucas 3:17

Te mach'a ya xtale, stsacojix ta sc'ab te yic'ojibal sulil trigo. Patil ya stsob ochel ta sq'uejibal te sbaq'ue. Yan te sulile ya me xchic' ta c'ajc' te banti ma xtup' sbajt'el q'uinal —xi' te Juane.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Oseas 13:3

Ja' yu'un, jichic me te bit'il sjab lum ta sacubel q'uinale; jichic me te bit'il ts'ujul ta ijc' to q'uinale. Ta sab ya xch'ay jc'axel, jich bit'il taquin ac ya slic bael te iq'ue, jich bit'il ya xloc' ta sbe te ch'aile.

Ezequiel 19:12

Pero la sbulic soc slab yo'tanic, la xch'ojic coel c'alal ta lum. Tal ic' ta stojol sloq'uib c'aal, jul ta taquintesel ta xq'uixnal, lubaj te sit yu'une. Te buen tulan sc'abc'abe taquej, te c'alal taqueje, la yaq'uic ochel ta c'ajc'.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Lamentaciones 4:3

Te yantsilel ja'mal ts'i' ya to nix yac'bey xchu'ic te yalataque; yan te jlumal Israele, c'ax amen te yo'tane, pajal soc te avestruz-mut te ya x'ain ta jochol taquin q'uinale.

Lamentaciones 3:48

Yac ta oquinel jichuc sloq'uibja' te ya'lel jsit yu'un te jlumal te la yich' jinele.

Lamentaciones 2:11

Ya xtup'ix jsit yu'un te oq'uele; soc ya slajinbon ya caiy te co'tane. C'alal ta lum bajt' sbujts' te q'uinale, yu'un te la yich'ix jinel ya quil te lum cu'une, yu'un te la quil te muc'-biq'uit yacalic ta lajel ta calleetic yu'un te wi'nale.

Jeremías 23:19

Te yilimba Cajwaltic, jich bit'il tulan yic'al ja'al, jich bit'il tulanil ic' ta c'axem to xan te ya syuq'uilay te mach'atic amenique.

Jeremías 14:17

Albeya yaiyic in lum to: “Ya me jmal loq'uel ya'lel jsit, c'aal ajc'ubal, ma xcom, ta scaj te xiweltic nax sba woclajel ta stojol te lum cu'une, ta scaj te bats'ejem te yejch'ene.

Jeremías 9:7

Ja' yu'un te jo'on Ajwalilon te Spisil ya xju' cu'une, ya cal: ¿Bi yan ya xju' ya jpas yu'un te lum cu'une? Ja' nax ya cac' ta c'ajc' swenta slecubtesel.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Isaías 41:16

Ya me ach'oj moel, ya me yich' bael te iq'ue; te sutu-iq'ue ya me spuc bael. Jich yu'un te ja'ate bin nax me awo'tan ta stojol te Cajwaltique, toyol nax me q'uinal ya awaiy yu'un te Ch'ul Dios yu'un Israel.

Isaías 27:8

Dios la yac'bey castigo te lum yu'une, la sticun bael ta yan lum. Xiweltic nax sba ta jujch'iyel bael ta loq'uesel, jich bit'il ya xjujch'iwan tel tulan ic' ta sloq'uib c'aal.

Isaías 22:4

Jich yu'un la cal: —Q'ueja abaic ta jtojol, ya jc'an ya x'oc'on ta c'axem to xan; yu'un ma xju' ya awac'bon smuc'ul co'tan, melel jinix te jlumale —la cut.

Lamentaciones 4:10

Asta te antsetic lec yo'tanique, ta sc'abic nix la spayic te yalataque; ja' nix te mero yalataquic tuun ta swe'elic, ta scaj te jinot te jlumal Israele.

Salmos 11:6

Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

Jeremías 4:12

te ic' ya cac' tel jtuquel, c'axem to xan me tulan yu'un a. Ta ora yo'tic ya me cal loq'uel ta que te woclajel ya xc'ot ta stojolique —xi' te Cajwaltique.

Jeremías 13:24

Jich yu'un ya me jpuquex bael jich bit'il taquin ac te ya xlicot bael yu'un tulan ic' ta jochol taquin q'uinal.

Habacuc 1:6

Ya cac' xchajban sbaiquix ta guerra te caldeoetique, ja'ic te c'ajc' yo'tanic, te spisil ora toyol yo'tanic yu'un te ya xbeenic ta spamal balumilal ta juju-jejch' ta swenta yu'uninel te q'uinaletic te ma'yuc ta swentaique.

Habacuc 1:11

Jich ya xc'axic ta beel te bit'il tulan ic'; ja' nax ya smuc'ulin yo'tanic te yipique, ja' dios c'oem yu'unic stuquel —xi' te Cajwaltique.

Oseas 4:19

Te iq'ue la yic' bael ta xic' c'oem, ya me xq'uexawic yu'un te yajcananique.