Jeremías 4:10 - Bible in Tzeltal de Oxchuc y Tenejapa

¹⁰ Jich la cal te jo'one: —Ay, Cajwal, la me alo'lay ta c'op te yajwal Jerusalén. Melel jamal la awalbey te ya xlamaj q'uinal ta stojolique; ja'uc me to, nopolix ya xtaotic yu'un te cuchilloe —la cut.

Bible in Tzeltal Bachajón

¹⁰ Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Jeremías 4:10 Referans Kwoze

Jeremías 5:12

Israel soc Judá la smuc ta yo'tanic te Cajwaltique. La yalic: “Ma'yuc te Diose. Ma'yuc bila amen ya xtal ta jtojoltic, ma xtal guerra ta jtojoltic, ni ma'yuc wi'nal”, xiic.

Isaías 37:35

Ya xc'opojon yu'un te lume soc ya jcoltay ta swenta xc'uxul ta co'tan te cabat David soc ta swenta sc'uxul jba ta co'tan uuc”, xi' me te Diose —xi' te Isaías.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Romanos 1:26

Ja' swentail te ijq'uitayotic yu'un Dios ta spasel spisil te bila q'uexlaltic nax sbae. Asta te antsetic yu'unique la yijq'uitayic te bit'il ay stalelique. Jich la spasic te bila ma sbelaluc ay ta pasel yu'unic ta swenta te sbaq'uetalique.

Romanos 1:24

Ja' swentail te ijq'uitayotic yu'un Dios ta spasel spisil te bila amene, te ya xbic'taj yo'tanic yu'un spasel. Jich ya spasic te bila q'uexlaltic sba te ya spas ta sbaq'uetalique.

Ezequiel 11:13

Te c'alal yacon ta yalel ta stojolic a te bila la yalbon te Cajwaltique, t'uxaj bael te Pelatías te snich'an Benaías, toj lajel. La jtinan jba coel c'alal ta lum, awunon ta tulan, jich la cal: —¡Ay, Cajwal! ¿Ya bal alajin jiche te jteb xan israeletic jileme? —xoon ta aw.

Lamentaciones 2:21

Limilic ta calleetic ya quil, muc'-biq'uitetic; lajic ta milel ta puñal, queremetic soc ach'ixetic cu'un. Ta sc'aalelal awilimba la awejch'entes yu'un lajel; ma la ana'bey yo'bolil sba ta milel.

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Jeremías 23:17

Te j'alwanejetic ya yalbey te mach'atic ya yilaybonic te jc'ope: “Spisil lec ya xc'oex ta loq'uel yu'un”, xiic. Soc ya yalbey te mach'atic tulan ya yac' sbaic bael ta q'uejel soc te yo'tanique: “Ma'yuc bila amen ya xtal ta atojolic”, xiic ta yalel —xi' te Cajwaltique.

Jeremías 8:11

Ya la xpoxtaybonic ta sc'opic yejch'en te lum cu'un; ya yalic te lec ay ta spisile, manchuc me ma lecuc ta jc'axel.

Jeremías 6:14

Ya xpoxtaybonic yejch'en ta sc'opic te lum cu'une; ya yalic te lec ayic ta spisil te c'alal ma lecuc ayique.

Jeremías 4:18

—Ta scaj te bi yilel awo'tan soc te at'eliletic awu'une, te bila c'oem ta pasel ta atojole; scaj te bila amen awu'un te ac'botat ch'aal sit te' c'oem, te ya yejch'entesbat awo'tane —xi' te Cajwaltique.

Jeremías 1:6

La jac': —¡Ay, Cajwal. Jo'on mero alalqueremon, ma to jna' c'op! —la cut.

Isaías 63:17

¿Bi yu'un, Cajwal, te ya awac' xjowejotic ta bay beetic awu'une, soc te ya awac' xtulanaj te co'tantic swenta yu'un ma xquich'ticat ta muc'? Ta swenta xc'uxul awo'tan ta jtojoltic te abatotic awu'une, yantesa te awo'tane, yantesa ta jtojoltic jo'otic ta chajbalchajp te awentaineje.

Isaías 30:10

Ya yalbeyic ta stojol te mach'atic ay bila ya yilique: —Ma me ayuc bila ya awilic-ya yutic. Soc ya yalbeyic ta stojol j'alwanejetic: —Ma me ayuc ya awalbotic te bila smelelil te ac'bilex ana'ic stojole. C'oponawotic ta lequil c'op, ma me x'apojbotic te bila ay ta co'tantic.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

Éxodo 5:22

Jich yu'un te Moisés la sc'opon te Cajwaltique: —Cajwal, ¿bi yu'un te ya awac' c'axuc swocol te jlumale? ¿Bistuc la aticunonix tel a?