Jeremías 4:1 - Bible in Tzeltal de Oxchuc y Tenejapa

¹ Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Bible in Tzeltal Bachajón

¹ Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Jeremías 4:1 Referans Kwoze

Joel 2:12

Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Ezequiel 43:9

Ac'a xch'aybonic loq'uel ta jtojol yo'tic te xch'uunel te lotil diosetic, soc xch'uunel sts'ajc'ul smuquenal te muc' ajwaliletic yu'unique, jich me ya xnainon ta yolilic ta sbajt'el q'uinal.

Jeremías 25:5

Ja'ic la yalbeyex awaiyic: “Ijq'uitaya jilel te amen-o'tanil soc te amen at'eliletic awu'une; yu'un jich me ya xju' ya x'ainex ta lumq'uinal te la yac'beyex awu'unin sbajt'el q'uinal te Cajwaltic te ja'ex soc te ame'-atatique.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Génesis 35:2

Jich te Jacob la spas ta mandal mach'a jayeb ay ta sna soc te mach'a jayeb sjoineje: —Ch'ojaic loq'uel te jayeb bitic acuyojic ta Dios te awich'ojique, soc poca abaic, lapa yan ac'u'ic.

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

2 Crónicas 33:8

Ma ba jloq'ues xan ta q'uinal te israeletic ta bay la cac' te antiguo sme'-statique, teme ya xch'uunbonic spisil te jmandal caloj soc spisil te p'ijubtesele, te mandaliletic soc te bila chapalic cu'un te cac'ojbeyix ta swenta Moisés”, te xie.

2 Crónicas 15:8

C'alal la yaiy stojol Asa te sc'op j'alwanej, la yich' xan yip yo'tan yu'un. La sloq'ues te bitic ilaybile, ja' te yajcananic ta spamal sq'uinal Judá, ta spamal sq'uinal Benjamín, soc ta bay te lumetic te la yu'uninic ta witstiquil ta sq'uinal Efraín. La spas xan te scajtijib smajt'an Cajwaltic te ay ta stojol yochibal templo yu'un te Cajwaltique.

2 Reyes 23:24

Te Josías jc'axel la sten loq'uel te jpic-c'abaletic, soc te mach'atic ay bila ya sna'ic syoljoltayel. Soc la slajinbey sc'oplal te loc'ombaetic yu'unic ta snaic, soc te yantic loc'ombaetic, soc nix ta spisil te yantic yich'jibal ta muc' te ilaybil nax sbaic, te chicanic ta ilel ta Judá soc ta Jerusalén. Jich la spas, swenta yu'un jich ya xc'ot ta pasel a te bit'il yaloj te mandaliletic ts'ibubil tey ta libro la sta te sacerdote Hilcías ta templo yu'un te Cajwaltique.

2 Reyes 23:13

Te muc' ajwalil la sjinbey sc'oplal te toyol ch'uunjibaletic te ay ta stojol sloq'uib c'aal yu'un Jerusalén, te ay ta stojol sur ta Wits Olivoiltic, te ja' la spas te Salomón te c'ax ta muc' ajwalil yu'un Israel, te ja' yu'un te Astarté antsil dios te ilaybil nax sba, te lotil dios yu'un sidonetique; soc yu'un Quemos, yan loc'omba te ilaybil nax sba, te lotil dios yu'un moabetique; soc yu'un Milcom, loc'omba te ilaybil nax sba, te lotil dios yu'un te amonetique.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Jueces 10:16

Jich te israeletic la yijq'uitayic te diosetic yu'un jyanlumetic te xch'uunejique, swenta yu'un ja' ya xch'uunic xan te Cajwaltique. Te Cajwaltic ma la sc'anix te ya xc'ax xan swocol te israeletique.

Oseas 7:16

Ja' bajt' yo'tanic ta sc'oponel te yajcananique. Jich c'oemic te bit'il t'im te ma tojuque, te yat'ejibal ma xc'ot te bay stojlineje. Ta scaj te puro ixta c'op ya yalique ya me xyalic te ajwaliletic yu'unic ta swenta puñal, soc ya me stse'luyotic ta Egipto.

Ezequiel 18:13

teme ya sc'anbey sjol te staq'uin ya yac' ta majanele, te winic in to, ma xju' ya xcuxin stuquel. Teme la spas te bitic ilaybil cu'une, ya me xlaj ta puersa, pero ja' nix ta smul te ya xlaje.

Ezequiel 11:18

Ya me xcha'sujt'ic xan tel ta slum-sq'uinalic, ya me xc'o slajinic te bitic xiweltic sba soc te mero ilaybil sba ay ta pasel yu'unique.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Jeremías 15:4

Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Jeremías 3:14

Te Cajwaltic jich ya yal: —Sujt'anic tel, ja'ex toyba alnich'anex, melel jo'on cu'unex. Ya me quic' juju-jtul ta jpam lum, soc che'cheb ta juju-jchajp te ats'umbale, ya me quic' sujt'uc tel ta Sión.

Isaías 31:6

Sts'umbal Israel, sujt'anic bael ta stojol te mach'a tulan atoyoj aba ta stojole.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

Deuteronomio 4:30

Te c'alal c'axix awu'unic spisil a te tulan wocoletique, teme ya asujt'es xan awo'tanic ta stojol te Cajwaltic soc te ya ach'uunbeyic te smandale,

Jeremías 7:3

Jo'on te Spisil ya xju' cu'une, te Dioson awu'unic, jich ya calbeyex ja'ex te Israelexe: Lectesaic te acuxlejalic soc te awat'elique, jich me ya cac' ya xcuxinex bael ta bay in q'uinal to.

Jeremías 7:5

“Teme ya alectesic te acuxlejalic soc te awat'elique, soc teme ya xtojob awo'tanic juju-jtul ta stojol te yantique,

Jeremías 7:7

jo'on ya cac' xcuxinex bael li' ta lumq'uinal to te cac'ojbey ta swenta sbajt'el q'uinal te antiguo ame'-atatique.

Jeremías 15:19

Jich yu'un te Cajwaltic la sjac'bon jc'op: —Teme ya sujt'at tel ta jtojole, ya jcha'quic'at xan soc ya xju' ya awac' aba ta abatinel cu'un. Teme ya acom aba ta puro c'op, te ja'uc nax ya awal te bila ya sc'an alele, ja'at me ya xc'opojat bael ta jwenta abi. Ja'ic me te ya sc'an sujt'ic tel ta atojole, ma ja'ucat te ya sc'an sujt'at bael ta stojolic.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.

2 Crónicas 34:33

Te Josías la sloq'ues te bitic q'uexlaltic sba te ya yat'elinic xch'uunel ta spamal sq'uinal Israel, soc la yalbeyic wocol Cajwaltic Dios yu'un spisil te mach'atic ayic ta sq'uinal Israel. Te jayeb c'aal cuxin xan, ma'yuc bay la yijq'uitay te Cajwaltic te Dios yu'un te antiguo sme'-statique.