Jeremías 39:8 - Bible in Tzeltal de Oxchuc y Tenejapa

⁸ Te caldeoetic la xchic'beyic te spalacio te ajwalil soc te nanatic ta lum. Te sjoyobal sts'ajc'ul te Jerusalén la sjinic coel.

Bible in Tzeltal Bachajón

⁸ Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Jeremías 39:8 Referans Kwoze

Nehemías 1:3

Jich la yalbonic: —Te mach'atic sujt'emic loq'uel tel ta sq'uinal Babilonia, mero wocol ayic soc mero ayic ta q'uexlal. Jich nix te Jerusalén, jinbil te sjoyob ts'ajc'ule, soc chic'bil ta c'ajc' te spuertail te muc'ul ts'ajq'ue —xi'.

Jeremías 38:18

Melel teme ma la awac' aba ta sc'abique, te caldeoetic ya me x'och ta sc'abic te lume, soc ya me xchiq'uic. Soc te ja'ate ma xju' xcolat”, xi' te Cajwaltique —la yut.

Jeremías 21:10

Melel jnopoj te ya cac'bey tel bila amen ta stojol in lum to, ma ja'uc ya cac'bey te bila leque. Ya me cac'bey ta sc'ab te muc' ajwalil yu'un Babilonia, soc ja' me ya yac'bey sc'aal te lume. Jo'on Ajwalilon, jich ya cal”, uta me —xi' te Cajwaltique.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Amós 2:5

Jich yu'un ya cac'bey sc'aal te Judá, tan me ya xjil yu'un te muc'ul naetic ta Jerusalén —xi'.

Lamentaciones 2:7

Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.

Lamentaciones 2:2

Te Cajwaltic ma'yuc bay la yijq'uitay junuc na yu'un Jacob; ta ora nax la sjin yu'un sc'ajc'al yo'tan te tulanil anjibal ts'ajq'uetic yu'un te t'ujbil Judá. La spejc'anbey te bit'il ya xmandalaj, soc la sliman ta lum te ajwaliletic yu'une.

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 34:2

—Jo'on Ajwalilon, Dioson yu'un Israel, ya jpasat ta mandal te ya xba awalbey te Sedequías, muc' ajwalil yu'un Judá: “Jich ya yalbat te Cajwaltique: ‘Ya me cac'bey spas te muc' ajwalil yu'un Babilonia te ya yochintay te lum soc te ya xchic' jilele.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Isaías 5:9

Te Cajwaltic te Spisil ya xju' yu'une, yalojbonix ta jamal: —Bayal me naetic ya yich'ic jinel; manchuc teme muc' yutsilalic ta jyalel, xujt' ma'yuc yajwal ya xjil.

2 Crónicas 36:19

La xchiq'uic jilel te templo yu'un Dios, la sjinic jilel sts'ajc'ul te Jerusalén, la xchiq'uic jilel te palacioetic yu'unic, soc la sjin jilel spisil te bitic bayal sc'oplale.

2 Reyes 25:8

Chaneb u soc juqueb c'aal sjajch'el sbalunlajunebal ja'wil yochel ta muc' ajwalil a te Nabucodonosor, muc' ajwalil yu'un Babilonia, te Nabuzaradán abat yu'un te muc' ajwalil, soc ja' nix comandante swentainej jcanantaywanej yu'un, c'ot ta Jerusalén.

Salmos 79:7

Melel ja'ic la sbiq'uic c'oem te Jacob; jc'axel la sjinic te jlum-jq'uinaltique.

Jeremías 32:29

Te caldeoetic yacalic ta yaq'uel guerra te lume, ya me x'ochic tel ta jyalel li'to, soc ya me yac'beyic jilel sc'aal. Ya me xchiq'uic te nanatic, yu'un la sbolc'optayonic a te la xchic'beyic pom ta sba nanatic te Baal, soc la yac'beyic vino tey a te lotil diosetique.

Ezequiel 16:41

Ya me stsumbeyic sc'aal te naetic awu'une, ya me yaq'uic castigo ta atojol ta comonsitil ta stojol antsetic. Ya me cac'bey slajibal te bit'il awac'oj aba ta jmulawil antse. Ma me ayuquix bi ora te ya atoj te mach'atic ya sc'an smulanate.

Ezequiel 23:47

Ta sjunal te lume ac'a smilic ta ch'ojel ta ton, soc ac'a smilic ta spuñalic. Ac'a smilbeyic squerem-alataquic soc yantsil-alataquic, soc ac'a xchic'beyic snaic.

Ezequiel 33:21

Ta yo'ebal c'aal a te slajunebal u yu'un te slajchayebal ja'wil te ic'ototic bael ta mosoil, ay jtul winic te loq'uem jajch'el ta anel ta Jerusalén, tal ta jtojol, la yalbon caiy te ochix ta sc'ab controetic te Jerusalén.

Jeremías 5:10

Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.