Jeremías 39:5 - Bible in Tzeltal de Oxchuc y Tenejapa

^5-6 Ja'uc me to, te soldado-caldeoetic la snutsic bael, la staic bael te Sedequías ta spamlej bael yu'un Jericó. La xchuquic, la yiq'uic bael ta stojol te muc' ajwalil Nabucodonosor, te ay ta lum Ribla ta Hamat. Te Nabucodonosor tey la xchajbanbey sc'oplal a: la yal mandal ta milel te snich'nab Sedequías, soc spisilic te mach'atic muc' sc'oplalic ta Judá, ta sit te Sedequíase.

Bible in Tzeltal Bachajón

⁵ Pero te soldadohetic yu'un te caldeohetic la snutsic bahel, la stahic te Sedequías ta spamlej yu'un Jericó. La stsaquic, la yiq'uic bahel ta Ribla ta sq'uinal Hamat ta stojol te Nabucodonosor ajwalil yu'un Babilonia, te la yal bin ya xpasbot.

Jeremías 39:5 Referans Kwoze

2 Reyes 23:33

Te faraón Necao la xchuc ta lum Ribla ta sq'uinal Hamat, swenta yu'un jich ma x'at'ej ta muc' ajwalil ta Jerusalén a. Pasot ta mandal te nación Judá te ya stoj spatan taq'uin te Necao, oxmil soc jo'lajunwinic (3,300) kilo plata, soc oxlajuneb xcha'winic (33) kilo oro.

Josué 5:10

Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.

Jeremías 38:18

Melel teme ma la awac' aba ta sc'abique, te caldeoetic ya me x'och ta sc'abic te lume, soc ya me xchiq'uic. Soc te ja'ate ma xju' xcolat”, xi' te Cajwaltique —la yut.

Josué 4:13

Nopol cha'winic ta jmil (40,000) winiquetic te chapalic soc yat'ejibic te ya x'ochic ta guerrae c'axic bael ta stojol te Cajwaltic, bajt'ic ta stojol spamlejetic yu'un Jericó.

Lamentaciones 4:20

Tsacotix ta pejts' te mach'a tsabil yu'un te Cajwaltique, ja' te mach'a cuxulotic ta swenta, ja' te muc' ajwalil, te la calbeytic sc'oplale: “Ya me xcuxinotic ta awaxinal ta yolil te lumetique”, te xootic yu'une.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Jeremías 4:12

te ic' ya cac' tel jtuquel, c'axem to xan me tulan yu'un a. Ta ora yo'tic ya me cal loq'uel ta que te woclajel ya xc'ot ta stojolique —xi' te Cajwaltique.

2 Crónicas 33:11

Ja' swentail te la yic' tel Cajwaltic te jtsobwanejetic yu'un te bayal soldadoetic yu'un te muc' ajwalil ta Asiria. La xchuquic bael te Manasés ta ch'ix taq'uin soc cadenaetic pasbilic ta bronce, la yiq'uic bael ta Babilonia.

2 Reyes 25:6

Te caldeoetic la stsaquic bael te muc' ajwalile, la yiq'uic bael ta stojol muc' ajwalil yu'un Babilonia te ay ta lum Ribla ta sq'uinal Hamat. Te Nabucodonosor tey la yalbey tulan sc'oplal a te bila ya xc'ot ta swenta te Sedequías.

2 Reyes 17:24

Te muc' ajwalil yu'un Asiria la yic' bael ants-winiquetic ta Babilonia, Cuta, Ava, Hamat soc Sefarvaim, c'o yac' ta nainel ta lumetic yu'un Samaria, swenta sjelol c'ot yu'un te israeletique. Jich la yu'uninic te Samaria soc nainic tey ta lumetic yu'unique.

2 Samuel 8:9

Te Toi, muc' ajwalil yu'un Hamat, te c'alal la yaiy te la stsalix te David ta spisil te soldadoetic yu'un Hadad-ezer,

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

Josué 13:5

Quechel xan te sq'uinal te gibletic, soc spisil te Líbano ta stojol sloq'uib c'aal, c'alal ta Baal-gad te ay ta yoc wits Hermón ja' to ta yochibal Hamat.

Números 13:21

Bajt'ic te winiquetic, ba stsajtayic tel te q'uinal, c'alal ta jochol taquin q'uinal Zin ta stojol sur, ja' to ta lum Rehob ta stojol norte, te nopol yiloj sba soc yochibal bael Hamat.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Jeremías 24:8

“Yan te Sedequías, muc' ajwalil yu'un Judá, soc te jtsobwanejetic, soc te yantic yajwal Jerusalén te ya xjilic li' ta bay lum to, o te ya xba snajc'an sbaic ta Egipto, jich me ya xc'ot ta co'tan te bit'il higoetic te amenic ta jc'axel, ma xju'ix ta lo'ele.

Jeremías 44:30

Jo'on ya cac' ta c'abal te faraón Hofra, muc' ajwalil yu'un Egipto, ta sc'ab te scontroe, jich bit'il la cac' ta c'abal te Sedequías, muc' ajwalil yu'un Judá, ta sc'ab te Nabucodonosor, muc' ajwalil yu'un Babilonia, te scontroe”, xi' me te Cajwaltic —xi' te Jeremiase.

Jeremías 49:23

Sc'oplal te Damasco te ya yal te Cajwaltique: —Te lumetic yu'un Hamat soc Arfad ayic me ta q'uexlal, melel ma lecuc te c'op jul ta stojolique. Ya xnoj yo'tanic yu'un xiwel, ma ba lamalix yo'tan ya yaiyic.

Ezequiel 23:24

Ya me xtal yac'bat guerra ta atojol. Ya me yich'ic tel bayal scarretaic, soc ya xtal bayal soldadoetic yu'unic. Ya me xtal sjoyintayat ta bayuc. Yich'oj me yat'ejibic yu'un guerra, cascoetic, majq'uilaletic. Jo'on ya cac'bey ta swentaic te ya yac'bat castigo yu'un te amule. Ja'ic me ya yac'bat castigo, chican bit'il ay te mandaliletic yu'un stuquelique.

Habacuc 1:7

Tulanic ta jyalel, soc xiweltic me sbaic, ma'yuc bay ya sna'ic yan mandalil a te bit'il ay yu'unique.

Isaías 22:3

Te jtsobwanejetic awu'un, spisilic loq'uic bael ta animal, anic bael yu'un te t'imetic; ja'uc me to, la yich'ic chuquel. Te winiquetic awu'un te c'ax tulanique, c'ubul bajt'ic ta anel; ja'uc me to, chujq'uic ta puersa.